భార్య చికెన్‌ వండలేదని భర్త ఆత్మహత్య

ఉత్తరప్రదేశ్‌లోని ఝాన్సీలో దారుణ ఘటన చోటు చేసుకుంది. ఓ వ్యక్తి తనకు చికెన్ వండడానికి నిరాకరించినందుకు

By అంజి
Published on : 28 May 2023 7:30 AM IST

Uttar Pradesh, chicken, Crime news, suicide

భార్య చికెన్‌ వండలేదని భర్త ఆత్మహత్య

ఉత్తరప్రదేశ్‌లోని ఝాన్సీలో దారుణ ఘటన చోటు చేసుకుంది. ఓ వ్యక్తి తనకు చికెన్ వండడానికి నిరాకరించినందుకు భార్యతో గొడవపడి ఆత్మహత్య చేసుకున్నాడు. ఈ ఘటన నగరంలోని ప్రేమ్‌నగర్‌లో గురువారం రాత్రి జరిగింది. మృతుడు పవన్ అనే వ్యక్తి ఫర్నీచర్ షాపులో పనిచేసేవాడు. ప్రియాంకతో నాలుగేళ్ల క్రితం వివాహమైంది. ఈ దంపతులకు రెండేళ్ల కుమార్తె కూడా ఉందని, పవన్ తరచూ మద్యపానంపై సేవించి గొడవపడేవాడని పోలీసులు తెలిపారు. గురువారం పవన్ తన కోసం చికెన్ వండమని తన భార్యను కోరగా దానికి ప్రియాంక నిరాకరించింది.

అప్పటికే కుటుంబానికి డిన్నర్ వండిందని చెప్పింది. వాగ్వాదం వెంటనే శారీరక హింసగా మారింది. ఆ తర్వాత ప్రియాంక ప్రత్యేక గదిలో నిద్రపోయింది. కొన్ని గంటల తర్వాత అతని అన్నయ్య వచ్చి పరిశీలించగా పవన్ తన గదిలో ఉరి వేసుకుని కనిపించాడు. మృతుడి ఇంటి తలుపును పలుమార్లు తట్టినా ఎవరూ సమాధానం చెప్పలేదని పవన్ సోదరుడు తెలిపాడు. ఆ తర్వాత తన కూతురిని కిటికీలోంచి గది లోపలికి చూడమని అడిగాడు. పోలీసులు సంఘటనా స్థలానికి చేరుకుని తలుపులు పగులగొట్టి పవన్ మృతదేహాన్ని వెలికితీశారు. అనంతరం మృతదేహానికి పోస్టుమార్టం నిర్వహించారు.

Next Story