Andhrapradesh: ముగ్గురు కుటుంబ సభ్యుల ఆత్మహత్యాయత్నం.. కూల్‌డ్రింక్‌లో విషం కలుపుకుని..
ఆర్థిక ఇబ్బందులతో ఓ కుటుంబం ఆత్మహత్యకు యత్నించిన ఘటన ఆంధ్రప్రదేశ్‌లో జరిగింది. కూల్‌డ్రింక్‌లో విషం కలిపి తాగి ముగ్గురు కుటుంబ సభ్యులు ఆత్మహత్యకు యత్నించారు.
By అంజి
Andhrapradesh: ముగ్గురు కుటుంబ సభ్యుల ఆత్మహత్యాయత్నం.. కూల్‌డ్రింక్‌లో విషం కలుపుకుని..
ఆర్థిక ఇబ్బందులతో ఓ కుటుంబం ఆత్మహత్యకు యత్నించిన ఘటన ఆంధ్రప్రదేశ్‌లో జరిగింది. కూల్‌డ్రింక్‌లో విషం కలిపి తాగి ముగ్గురు కుటుంబ సభ్యులు ఆత్మహత్యకు యత్నించారు. తూర్పు గోదావరి జిల్లా రాజమండ్రి జేఎన్‌ రోడ్డులోని సాయిసుధా రెసిడెన్సీలో ఈ ఘటన చోటు చేసుకుంది. ఇది గమనించిన స్థానికులు.. ముగ్గురిని రాజమండ్రి ప్రభుత్వ ఆస్పత్రికి తరలించారు. బిజినెస్‌లో ఆర్థిక ఇబ్బందులతోనే ఆత్మహత్యాయత్నానికి పాల్పడినట్టు సమాచారం. ఈ ఘటనకు సంబంధించి మరిన్ని వివరాలు తెలియాల్సి ఉంది.
ఇదిలా ఉంటే.. ఇటీవల అనంతపురం జిల్లాలోని నార్పల మండలం కేంద్రం మెయిన్‌ బజార్‌లో ఉన్న పెద్దమ్మ సామీ గుడి వద్ద ఓ ఇంటిలో దంపతులు కృష్ణ కిషోర్‌, శిరీష, ఆరు నెలల కుమారుడు జయంత్‌కు ఉరివేసి, ఆ తర్వాత వారు కూడా ఆత్మహత్య చేసుకున్నారు. ఇంటి నుంచి దుర్వాసన రావడంతో స్థానికులు పోలీసులకు సమాచారం అందించారు. పోలీసులు ఘటనా స్థలానికి చేరుకుని తలుపులను పగులగొట్టి చూడగా ఇంట్లో వేలాడుతున్న మృతదేహాలు కనిపించాయి. పోలీసులు కేసు నమోదు చేసి దర్యాప్తు చేస్తున్నారు.
