దళిత యువకుడితో పారిపోయిందని.. 17 ఏళ్ల కూతురిని చంపిన తండ్రి

కర్ణాటకలో మరో దారుణ ఘటన చోటు చేసుకుంది. 17 ఏళ్ల పల్లవి అనే అమ్మాయిని ఆమె తండ్రి గణేష్ హత్య చేశాడు. ఈ ఘటన శనివారం అక్టోబర్‌ 21న బెంగళూరులో జరిగింది. అంతకుముందు బాలిక ఓ దళిత యువకుడితో కలిసి పారిపోయింది, అయితే పోలీసులు వీరిద్దరిని కనిపెట్టి, బాలికను ఆమె కుటుంబానికి తిరిగి అప్పజెప్పారు. ఈ క్రమంలోనే తండ్రి తన కూతురిపై దారుణానికి ఒడిగట్టాడు. ఆవేశంలో గణేష్ పల్లవిని కొడవలితో కొట్టాడు. అతని భార్య జోక్యం చేసుకుని శాంతింపజేసేందుకు ప్రయత్నించగా, ఆమెపై దాడి జరిగింది. తోపులాటలో బావ శాంత కుమార్ కూడా కొన్ని దెబ్బలు తినాల్సి వచ్చింది.

పల్లవి మైసూరులోని హెచ్‌డి కోటే నివాసి, ఆమె తండ్రికి దళిత యువకుడితో ఆమెకు ఉన్న సంబంధం గురించి తెలియడంతో బెంగళూరులోని నాగనాథపురలోని మామ నివాసానికి పంపించారు. కానీ అమ్మాయి అంత తేలికగా ఒప్పుకోకుండా అక్టోబర్ 14న తన ప్రియుడితో కలిసి పారిపోయిందని, దీంతో కుటుంబ సభ్యులు పరప్పన అగ్రహార పోలీస్ స్టేషన్‌లో ఫిర్యాదు చేశారు. పోలీసులు పల్లవిని గుర్తించి, ఆమెను అక్టోబర్ 20న కుటుంబసభ్యులకు అప్పగించగా, శనివారం రాత్రి తండ్రీకూతుళ్ల మధ్య తీవ్ర వాగ్వాదం జరిగింది.

"జాగ్రత్తగా ఉండటంలో విఫలమైనందుకు" కోపోద్రిక్తుడైన గణేష్ తన భార్య శారద, అతని బావమరిది శాంత కుమార్‌పై దాడికి పాల్పడ్డాడని కూడా నివేదించబడింది, అయితే వారికి పెద్దగా ఎలాంటి హాని జరగలేదు. చివరకు పరప్పన అగ్రహార పోలీసులకు నిందితుడు గణేష్‌ లొంగిపోయాడు. టైమ్స్ ఆఫ్ ఇండియా కథనం ప్రకారం.. పల్లవి గౌడ వర్గానికి చెందినది. దళిత యువకుడు హెచ్‌డి కోటేలోని ఒక దుకాణంలో పనిచేస్తున్నాడు. తన కూతురికి చదువుపై ధ్యాస లేదని అందుకే చంపానని, అబ్బాయి కులం గురించి తనకు ఎలాంటి ఇబ్బంది లేదని గణేష్ పోలీసులకు తెలిపాడు.