ఇంట‌ర్ విద్యార్థితో మ‌హిళా లెక్చ‌ర‌ర్ ప‌రారీ.. ఆపై పెళ్లి

Tamil Nadu teacher arrested for marrying minor student.స‌మాజంలో గౌర‌వ‌ప్ర‌ద‌మైన ఉపాధ్యాయ వృత్తిలో కొన‌సాగుతున్న ఓ

By తోట‌ వంశీ కుమార్‌  Published on  26 March 2022 6:32 AM GMT
ఇంట‌ర్ విద్యార్థితో మ‌హిళా లెక్చ‌ర‌ర్ ప‌రారీ.. ఆపై పెళ్లి

స‌మాజంలో గౌర‌వ‌ప్ర‌ద‌మైన ఉపాధ్యాయ వృత్తిలో కొన‌సాగుతున్న ఓ టీచ‌ర్ దారి త‌ప్పింది. విద్యార్థుల‌ను మంచి మార్గంలో న‌డిపించాల్సిన ఉపాధ్యాయురాలు.. ఓ విద్యార్థి తో ప్రేమ‌లో ప‌డింది. ఇంట‌ర్ చ‌దువుతున్న మైన‌ర్ బాలుడిని ఇంట్లోంచి తీసుకువెళ్లి పెళ్లి చేసుకుంది. ఆ విద్యార్థి త‌ల్లిదండ్రుల ఫిర్యాదుతో అస‌లు నిజం వెలుగులోకి వ‌చ్చింది. ఈ ఘ‌ట‌న తమిళ‌నాడు రాష్ట్రంలో జ‌రిగింది.

వివ‌రాల్లోకి వెళితే.. తురైయూర్ ప్రాంతంలోని ఓ ప్రైవేటు కళాశాలలో ఓ విద్యార్థి(17) ఇంట‌ర్ మొద‌టి సంవ‌త్స‌రం చ‌దువుతున్నాడు. అదే కళాశాల‌లో 26 ఏళ్ల ష‌ర్మిల అనే మ‌హిళా లెక్చ‌ర‌ర్ ప‌ని చేస్తోంది. అయితే.. ఈ నెల 5వ తేదీ నుంచి విద్యార్థి క‌నిపించ‌కుండా పోయాడు. అత‌డి కోసం ఎంత వెతికినా లాభం లేక‌పోవ‌డంతో త‌ల్లిదండ్రులు పోలీసుల‌కు ఫిర్యాదు చేశారు. కేసు న‌మోదు చేసిన పోలీసులు ద‌ర్యాప్తు చేప‌ట్టారు. ఈ క్ర‌మంలో పోలీసుల‌కు షాకింగ్ విష‌యాలు తెలిశాయి.

యువ‌కుడు చ‌దువుకుంటున్న కాలేజీలో ఆరా తీయ‌గా.. అదే కాలేజీలో ప‌నిచేస్తున్న ష‌ర్మిల అనే లెక్చ‌ర‌ర్ కూడా ఆ రోజు నుంచే క‌న‌ప‌డ‌డం లేద‌ని గుర్తించారు. ఆమెపై పోలీసుల‌కు అనుమానం క‌లిగింది. ఆ కోణంలో ద‌ర్యాప్తు చేప‌ట్ట‌గా అస‌లు నిజం తెలిసింది. విద్యార్థితో క‌లిసి లెక్చ‌ర‌ర్ పారిపోయిన‌ట్లు గుర్తించారు. ష‌ర్మిల సెల్‌సిగ్న‌ల్ ఆధారంగా వారిని ప‌ట్టుకున్నారు. అనంత‌రం ష‌ర్మిల‌ను అదుపులోకి తీసుకున్న పోలీసులు ఆమెపై ఫోక్సో చ‌ట్టం కింద కేసు న‌మోదు చేశారు.

Next Story
Share it