Video : కుప్ప‌కూలిన 6 అంతస్తుల భవనం.. శిథిలాల కింద పెద్ద సంఖ్య‌లో జ‌నం

పంజాబ్‌లోని మొహాలీలోని సోహనా సైనీ బాగ్ సమీపంలో ఈరోజు (శనివారం) సాయంత్రం పెను ప్రమాదం జరిగింది. సోహానా సైనీ బాగ్ సమీపంలో 6 అంతస్తుల భవనం కూలిపోయినట్లు చెబుతున్నారు. ఈ ప్రమాదంలో దాదాపు 20 మంది స‌జీవ సమాధి అయ్యారని భావిస్తున్నారు. శిథిలాల కింద చిక్కుకుపోయిన వారిని రక్షించే పనులు జరుగుతున్నాయి.

పక్కనే ఉన్న భవనం పునాదిని ఎక్కువగా తవ్వడంతో ఈ ప్రమాదం జరిగింది. కూలిన భవనంలో జిమ్ నడుస్తోంది. భవనం కుప్పకూలడంతో అక్కడ భయాందోళన నెలకొంది. భవనం పై అంతస్తులలో వ్యాయామశాల, మిగిలిన అంతస్తులలో ప‌లు ఆఫీసులు ఉన్నాయి. ప్రత్యక్ష సాక్షుల కథనం ప్రకారం.. నేలమాళిగలో తవ్వకాలు జరుపుతున్న సమయంలో భవనం ఒక్కసారిగా కుప్పకూలింది. దాదాపు 20 మంది శిథిలాల కింద చిక్కుకుపోయి ఉంటారని భావిస్తున్నారు.

పంజాబ్ ముఖ్యమంత్రి భగవంత్ సింగ్ మాన్ జిల్లా యంత్రాంగం ద్వారా ఫోన్‌లో పరిస్థితిని పర్యవేక్షిస్తున్నారు. సహాయక చర్యలను వేగవంతం చేయాలని ముఖ్యమంత్రి సూచించారు.