అత్యాచార బాధితురాలిని బట్టలు విప్పమని కోరిన మేజిస్ట్రేట్‌.. కేసు నమోదు

రాజస్థాన్‌ జిల్లాలోని కరౌలి జిల్లాలో దారుణం వెలుగు చూసింది. దళిత అత్యాచార బాధితురాలికి గాయాలు చూపించేందుకు బట్టలు విప్పమని కోరినందుకు పోలీసులు మేజిస్ట్రేట్‌పై కేసు నమోదు చేసినట్లు బుధవారం ఒక అధికారి తెలిపారు. తన గాయాలను చూసేందుకు హిందౌన్ కోర్టు మేజిస్ట్రేట్ తనను బట్టలు విప్పమని కోరినట్లు బాధితురాలు మార్చి 30న ఫిర్యాదు చేసినట్లు డిప్యూటీ ఎస్పీ (ఎస్టీ-ఎస్సీ) సెల్ మినా మీనా తెలిపారు.

"ఆమె బట్టలు విప్పడానికి నిరాకరించింది. మార్చి 30 న కోర్టులో స్టేట్‌మెంట్ రికార్డ్ చేసిన తర్వాత, ఆమె మేజిస్ట్రేట్‌పై ఫిర్యాదు నమోదు చేసింది. నమ్రతను అతిక్రమించారనే ఆరోపణలతో కొత్వాలి పోలీస్ స్టేషన్‌లో కేసు నమోదు చేయబడింది" అని మీనా చెప్పారు. మేజిస్ట్రేట్‌పై IPC సెక్షన్ 345 (తప్పుగా నిర్బంధించడం), SC/ST (దౌర్జన్యాల నిరోధక) చట్టం కింద బుక్ చేయబడింది. పోలీసులు తెలిపిన వివరాల ప్రకారం, మార్చి 19న మహిళపై అత్యాచారం జరిగిందని, మార్చి 27న హిందౌన్ సదర్ పోలీస్ స్టేషన్‌లో ఎఫ్‌ఐఆర్ నమోదైంది.