వారం రోజుల కుమార్తె శరీరంలో.. 5 తూటాలను దింపిన తండ్రి
Pakistan Police Arrest Father Who Shot Newborn Daughter 5 Times. తన మొదటి సంతానం మగబిడ్డ కావాలనే కోరికతో తన వారం రోజుల కుమార్తెను ఐదుసార్లు కాల్చి చంపినట్లు ఆరోపణలు
By అంజి Published on 11 March 2022 1:29 PM IST
తన మొదటి సంతానం మగబిడ్డ కావాలనే కోరికతో తన వారం రోజుల కుమార్తెను ఐదుసార్లు కాల్చి చంపినట్లు ఆరోపణలు ఎదుర్కొంటున్న పాకిస్థానీ తండ్రిని అరెస్టు చేసినట్లు పోలీసులు గురువారం నాడు తెలిపారు. కుమార్తెల కంటే కొడుకు తల్లిదండ్రులకు మెరుగైన ఆర్థిక భద్రతను అందిస్తాడని నమ్మే వ్యక్తి అతడిని చెబుతున్నారు. పాకిస్థాన్ లో బాలికలు, మహిళలు తీవ్రమైన హింసను ఎదుర్కొంటున్నారు.
పంజాబ్ పోలీసులు తెలిపిన వివరాల ప్రకారం, మధ్య పంజాబ్ ప్రావిన్స్‌లోని మియాన్వాలి నగరంలో నవజాత శిశువు జన్నత్ ఫాతిమా ఆదివారం హత్య చేయబడింది. ఆమె తండ్రి షాజెబ్ ఖాన్ ను పట్టుకోవడానికి పోలీసులు ప్రయత్నించారు. తనకు కొడుకే కావాలని అతడు గత కొద్దిరోజులుగా తీవ్ర ఆరోపణలు చేస్తూ వస్తున్నాడు. ఎంతో కోపంగా కూడా ఉన్నట్లు కుటుంబ సభ్యులు పోలీసులకు తెలిపారు. "తనకు కొడుకు కావాలని మూడు లేదా నాలుగు రోజులుగా ఇంట్లో అరుస్తూనే ఉన్నాడు. చాలా కోపంగా ఉన్నాడని ఫిర్యాదుదారులు పోలీసులకు చెప్పారు" అని మియాన్వాలి పోలీసు ప్రతినిధి జరార్ ఖాన్ ఎఎఫ్‌పికి తెలిపారు.
భార్య కూడా తనపై భర్త కోపాన్ని చూపించాడని ఆరోపించింది. ఆమె మగబిడ్డకు జన్మనిస్తుందని భావించాడు.. కానీ అది జరగకపోవడంతో అతడు ఇలాంటి దారుణానికి తెగబడ్డాడు. పసి పాప శరీరంలోకి ఏకంగా 5 తూటాలను దింపాడు. ఈ ఘటనను పలువురు ఖండిస్తూ ఉన్నారు.
