బ్రేకింగ్‌: ములుగు జిల్లా: వాహనం బోల్తా.. 30 మంది కూలీలకు గాయాలు

ములుగు జిల్లాలో రోడ్డు ప్రమాదం చోటు చేసుకుంది. ఏటూరు నాగారం మండలం కేంద్రానికి సమీపంలో జాతీయ రహదారిపై ప్రమాదవశాత్తు బొలెరో వాహనం బోల్తా పడింది. ఈ ప్రమాదంలో 30 మంది కూలీలకు తీవ్ర గాయాలయ్యాయి. వాహనంలో 35 మంది వరకు ఉన్నట్లు సమాచారం. అయితే గాయాలైన వారిలో ముగ్గురి పరిస్థితి విషమంగా ఉన్నట్లు తెలుస్తోంది. స్థానికులు క్షతగాత్రులను చికిత్స నిమిత్తం ఆస్పత్రికి తరలించారు. పూర్తి వివరాలు తెలియాల్సి ఉంది.