ఘోరం.. ఐదేళ్ల‌ చిన్నారిపై సామూహిక లైంగిక దాడి

Mass sexual assault on a Five years child. బీహార్‌లో ఐదేళ్ల బాలిక‌పై ఇద్ద‌రు మైన‌ర్ బాలురు సామూహిక లైంగిక దాడికి పాల్ప‌డ్డాడ‌రు.

By తోట‌ వంశీ కుమార్‌  Published on  9 April 2021 10:35 AM GMT
sexual harassment on child

దేశంలో ఎన్ని క‌ఠిన చ‌ట్టాలు తెచ్చిన‌ప్ప‌టికి మ‌హిళ‌ల‌పై అఘాయిత్యాలు ఆగ‌డం లేదు. వావి వ‌రుస‌లు మ‌రిచిన‌ కామాంధులు మ‌హిళ‌ల‌పైనే కాకుండా చిన్నారుల‌పైనా దారుణాల‌కు పాల్ప‌డుతున్నారు. తాజాగా బీహార్ రాష్ట్రంలో స‌భ్య స‌మాజం త‌ల‌దించుకునే ఘ‌ట‌న జ‌రిగింది. ఐదేళ్ల బాలిక‌పై ఇద్ద‌రు మైన‌ర్ బాలురు సామూహిక లైంగిక దాడికి పాల్ప‌డ్డాడ‌రు. ఆ చిన్నారి జ‌రిగిన విష‌యాన్ని త‌ల్లితో చెప్ప‌డంతో ఈ దారుణ ఘ‌టన వెలుగు చూసింది. వివ‌రాల్లోకి వెళితే.. బీహార్‌లోని సివ‌న్ జిల్లాలోని ఓ గ్రామంలో ఐదేశ్ల బాలిక త‌మ ఇంటి ముందు ఆడుకుంటుంది.

ఇది గ‌మ‌నించిన ఇద్ద‌రు మైన‌ర్ బాలురు ఆ చిన్నారిని స‌మీపంలోని చెట్లపొద‌ల్లోకి లాక్కెళ్లారు. బాలిక‌పై దారుణానికి పాల్ప‌డ్డారు. అనంత‌రం ఆ చిన్నారిని అక్క‌డే వ‌దిలివేసి పారిపోయారు. ఆ చిన్నారి అతి క‌ష్టం మీద ఇంటికి వెళ్లింది. బాలిక ఏడుస్తూ రావ‌డంతో త‌ల్లి ఏమైంద‌ని ప్ర‌శ్నించింది. బాలిక జ‌రిగిన విష‌యాన్ని త‌ల్లికి చెప్పింది. వెంట‌నే కుటుంబ స‌భ్యుల సాయంతో బాలిక త‌ల్లి పోలీస్ స్టేష‌న్‌కు వెళ్లి ఫిర్యాదు చేశారు. దీనిపై కేసు న‌మోదు చేసిన పోలీసులు ఒక‌రిని అదుపులోకి తీసుకోగా మ‌రో బాలుడు ప‌రారీలో ఉన్నారు. ప‌రారీలో ఉన్న బాలుడి కోసం పోలీసులు గాలింపు చేప‌ట్టారు.


Next Story
Share it