తన పిల్లలు కాదనే అనుమానంతో.. ఇద్దరు కొడకులను చంపిన తండ్రి

రాజస్థాన్‌లోని చురు జిల్లాలో ఒక వ్యక్తి తన ఇద్దరు కుమారులు తన పిల్లలు కాదనే అనుమానంతో వారిని హత్య చేసినందుకు అరెస్టు చేసినట్లు పోలీసులు మంగళవారం తెలిపారు. ఆ వ్యక్తి తన అమ్మమ్మని కూడా చంపాడు. ఆ వ్యక్తి తన కుమారులు - గర్విత్ (4), అనురాగ్ (8) - ఫిబ్రవరి 13, అతని వృద్ధ అమ్మమ్మను జనవరి 31 న భైంస్లీ గ్రామంలో విషం పెట్టి చంపినట్లు చురు పోలీసు సూపరింటెండెంట్ జై యాదవ్ తెలిపారు.

అనుమానం రాకుండా ఉండేందుకు భూప్ సింగ్ (32) మొదట తన అమ్మమ్మను, ఆ తర్వాత తన పిల్లలను హత్య చేసినట్లు పోలీసులు తెలిపారు. ఎస్పీ కథనం ప్రకారం.. గర్విత్, అనురాగ్ తన పిల్లలు కాదని భూప్ సింగ్ అనుమానించినట్లు పోలీసుల విచారణలో తేలింది. అందుకే వారిని హత్య చేయాలని ప్లాన్ చేశాడని పేర్కొంది. ముగ్గురు వ్యక్తులు అనుమానాస్పద స్థితిలో ఒక నెలలోపు మరణించారని పోలీసులు తెలిపారు.

ముగ్గురు అనుమానాస్పద మృతిపై కేసు నమోదు చేసుకున్న పోలీసులు దర్యాప్తు ప్రారంభించారు. పోలీసులు మరణించిన బాలుడు గర్విత్ యొక్క ఖననం చేయబడిన మృతదేహాన్ని వెలికితీసి, పోస్ట్‌మార్టం నిర్వహించారు. పరీక్షల కోసం ఫోరెన్సిక్ సైన్స్ లేబొరేటరీలో డెడ్‌బాడీని భద్రపరిచారు. గర్విత్ విసెరా రిపోర్టులో డ్రగ్స్ జాడలు లభించాయని, దీంతో భూప్ సింగ్ అరెస్ట్ అయ్యారని పోలీసులు తెలిపారు. విచారణలో, భూప్ సింగ్‌కు మెడికల్ షాప్ ఉందని, అతను నర్సింగ్‌లో కోర్సు కూడా చేసినట్లు పోలీసులు కనుగొన్నారు.