పరువు హత్య కలకలం.. వ్యక్తిని గొంతు కోసి చంపిన భార్య బంధువులు

ఐదేళ్ల క్రితం ఓ వ్యక్తి తన ప్రియురాలిని పెళ్లి చేసుకున్నాడు. అయితే ఈ పెళ్లి ప్రియురాలి కుటుంబ సభ్యులకు ఇష్టం లేకుండా జరిగింది. ఈ క్రమంలోనే ఆ వ్యక్తిపై తన భార్య బంధువులు గొంతు కోసి హత్య చేశారు. ఈ దారుణ ఘటన ఉత్తరప్రదేశ్‌లోని నోయిడాలో జరిగింది. నోయిడా పోలీసులు తెలిపిన వివరాల ప్రకారం.. సంభాల్ జిల్లాకు చెందిన భూలేష్ కుమార్ అనే వ్యక్తి నోయిడాలోని ఎకోటెక్-3 పోలీస్ స్టేషన్ ప్రాంతంలోని సంగమ్ విహార్ కాలనీ సమీపంలో శవమై కనిపించాడు.

అనంతరం అతని ఆటోరిక్షా కూడా కనిపించకుండా పోయిందని పోలీసులు తెలిపారు. కుమార్ కుటుంబసభ్యుల ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. విచారణలో.. కుమార్ భార్య ప్రీతి యాదవ్ తండ్రి, మామ అతన్ని చంపడానికి నలుగురు వ్యక్తులను కిరాయికి తీసుకున్నట్లు పోలీసులు గుర్తించారు. ఈ కేసులో బుద్ సింగ్ యాదవ్, ముఖేష్ యాదవ్ ఇద్దరూ వారి స్నేహితులలో ఒకరైన శ్రీపాల్‌ను అరెస్టు చేశారు.

భూలేష్ కుమార్.. ప్రీతి కుటుంబ సభ్యులకు వ్యతిరేకంగా వివాహం చేసుకున్నారని నోయిడా పోలీస్ డిప్యూటీ కమిషనర్ (డీసీపీ) సునీతి తెలిపారు. విచారణలో.. బుధ్ సింగ్, ఖరక్ సింగ్ భూలేష్‌ను చంపడానికి వారి పొరుగు గ్రామమైన మండోలి నుండి నలుగురు వ్యక్తులను నియమించుకున్నారని పోలీసులు కనుగొన్నారు.

నలుగురు నిందితులు అవధేష్, నీరజ్ యాదవ్, యశ్‌పాల్, టిటు నోయిడాకు వచ్చి భూలేష్‌ను గొంతుకోసి చంపి అతని ఆటోరిక్షాను తీసుకెళ్లినట్లు దర్యాప్తులో తేలిందని సునీతి చెప్పారు. నిందితుల నుంచి ఘటనకు సంబంధించి ఉపయోగించిన వాహనం, గొంతు నులిమి చంపేందుకు ఉపయోగించిన టవల్, హత్యకు బదులు అందుకున్న రూ.3 లక్షల విలువైన నగలు కూడా స్వాధీనం చేసుకున్నట్లు డీసీపీ తెలిపారు.