ఐఏఎస్ అధికారిగా నటిస్తూ.. ప్రజలను మోసం చేస్తున్న వ్యక్తి అరెస్ట్
Man held for posing as IAS officer in Chennai. చెన్నైలో ఐఏఎస్ అధికారిగా ఫోజులిచ్చిన 27 ఏళ్ల యువకుడిని నగర పోలీసులు అరెస్ట్ చేశారు.
By అంజి Published on 31 Jan 2022 4:09 AM GMT
చెన్నైలో ఐఏఎస్ అధికారిగా ఫోజులిచ్చిన 27 ఏళ్ల యువకుడిని నగర పోలీసులు అరెస్ట్ చేశారు. నిందితుడు ఎన్‌ సుబాష్ నకిలీ వ్యాపార కార్డులను పంపిణీ చేశాడు. విరుగంబాక్కం నివాసి సుభాష్ ప్రభుత్వ జాయింట్ సెక్రటరీగా నటిస్తూ, గృహ, గ్రామీణాభివృద్ధి శాఖకు అటాచ్ అయ్యాడని ప్రజలను నమ్మించాడు. జనవరి 1వ తేదీన నలుగురు వ్యక్తులు ద్విచక్ర వాహనంలో తనను వెంబడిస్తున్నారని పోలీసు కంట్రోల్ రూమ్‌కు ఫోన్ చేయడంతో సుబాష్ పోలీసు రాడార్‌లోకి వచ్చాడు. తన వాహనాన్ని వాళ్లు అడ్డగించారని, తనను దుర్భాషలాడారని కంట్రోల్ రూమ్‌కు మరింత సమాచారం అందించాడు.
తాను ఐఏఎస్ అధికారినని సుభాష్ పోలీసులకు చెప్పడంతో పోలీసులు ఘటనా స్థలానికి చేరుకుని నలుగురిని అదుపులోకి తీసుకున్నారు. దీంతో పోలీసులు సుబాష్ చెప్పిన డిపార్ట్‌మెంట్ ద్వారా సుబాష్ వద్దకు వెళ్లేందుకు ప్రయత్నించారు. అయితే గృహ, గ్రామీణాభివృద్ధి శాఖలో అలాంటి అధికారి ఎవరూ పనిచేయడం లేదని పోలీసు అధికారులకు సమాచారం అందింది. దీంతో పోలీసులు సుభాష్ కోసం వెతకగా.. శనివారం లొంగిపోయాడు.
