పెళ్లి సాకుతో మహిళలపై అత్యాచారం.. నిందితుడు అరెస్టు

రాజస్థాన్‌లోని సికార్ జిల్లాలో పెళ్లి సాకుతో పలువురు మహిళలను మోసం చేసి అత్యాచారం చేసినందుకు 26 ఏళ్ల యువకుడిని అరెస్టు చేశారు. వారి అసభ్యకర చిత్రాలు తీసి బ్లాక్‌మెయిల్ చేసేవాడని బాధితులు వెల్లడించారు. సందీప్ గోదారా అనే నిందితుడు విడాకులు తీసుకున్న, వికలాంగులు, ఒంటరి మహిళలను లక్ష్యంగా చేసుకుని డబ్బు వసూలు చేసి వారిపై అత్యాచారం చేసేవాడని పోలీసులు వెల్లడించారు.

సికార్‌కు చెందిన ఓ వివాహిత అతనిపై కేసు పెట్టడంతో ఈ ఘటన వెలుగులోకి వచ్చింది. పెళ్లి సాకుతో నిందితుడు తనపై అత్యాచారం చేశారని, ఆపై అసభ్యకరమైన ఫోటోలు, వీడియోలు తీసి బ్లాక్‌మెయిల్ చేశారని ఆమె వెల్లడించింది.

విచారణ మొదలైంది

పోలీసులు విచారణ ప్రారంభించగా.. పెళ్లి సాకుతో నిందితుడు చాలా మంది అమ్మాయిలను దోపిడీ చేసినట్లు గుర్తించారు. ఫేస్‌బుక్ ద్వారా నిందితుడితో స్నేహం పెంచుకున్నట్లు బాధితురాలు ఒకరు వెల్లడించారు. మొదట అమ్మాయితో పరిచయం పెంచుకుంటాడు. ఆ తర్వాత ఆమెతో చనువుగా ఉంటూ పెళ్లి ప్రస్తావన తెస్తాడు. పెళ్లి చేసుకుని బాగా చూసుకుంటానంటూ నమ్మిస్తాడు. అమ్మాయిల ఆధార్‌ కార్డులో వారి భర్త పేరు మార్చడం ద్వారా వారి నమ్మకాన్ని గెల్చుకుంటాడు. ఈ క్రమంలోనే నిందితుడు సందీప్ తన పట్ల నిజంగా సీరియస్‌గా ఉన్నాడని, అతని ఉచ్చులో అమ్మాయి పడిపోతుంది." ఉద్యోగ్ నగర్ పోలీస్ స్టేషన్‌కు చెందని ఓ పోలీసు అధికారి తెలిపారు.

అసభ్యకర వీడియోలు రికార్డ్ చేయబడ్డాయి

నిందితుడు బాధితురాలిపై అసభ్యకర వీడియోలు తీయడంతోపాటు బాధితురాలు అతడి నుంచి దూరం కావడానికి ప్రయత్నించినప్పుడు బ్లాక్ మెయిల్ చేసేవాడు. ఆమె అసభ్యకరమైన ఫోటోలు, వీడియోలను వైరల్ చేస్తానని సందీప్ బెదిరించాడు. సమాచారం అందుకున్న పోలీసులు జైపూర్‌లోని చౌము పులియాలో ఉన్న మాల్‌లో నిందితుడిని అరెస్టు చేశారు. ప్రస్తుతం నిందితుడిని పోలీసులు విచారిస్తున్నారు.