కోర్టులో దారుణం.. లాయర్ వేషంలో వచ్చి కాల్పులు.. మహిళకు తీవ్ర గాయాలు

దక్షిణ ఢిల్లీలోని సాకేత్ జిల్లా కోర్టు ఆవరణలో న్యాయవాది వేషంలో వచ్చిన ఓ వ్యక్తి నాలుగు రౌండ్లు కాల్పులు జరపడంతో ఓ మహిళ గాయపడింది. ఘటనాస్థలికి చేరుకున్న పోలీసులు మహిళను ఆస్పత్రికి తరలించారు. గాయపడిన మహిళను న్యాయవాదులు, కోర్టులో హాజరైన వ్యక్తులు ఆసుపత్రికి తరలించినట్లు సంఘటన స్థలం నుండి వీడియోలు చూపించాయి. అయితే మహిళపై కాల్పులు జరిపిన నిందితుడు అక్కడి నుంచి పారిపోయాడు. ఘటన జరిగినప్పుడు మహిళ తన అడ్వకేట్‌తో ఉన్నారని సీనియర్ పోలీసు అధికారి తెలిపారు. ఫోరెన్సిక్ సైన్స్ లేబొరేటరీ (ఎఫ్‌ఎస్‌ఎల్)తో పాటు క్రైమ్ టీమ్ కాల్పులు జరిగిన ప్రదేశాన్ని పరిశీలిస్తోంది.

''ఉదయం 10.30 గంటలకు సాకేత్ కోర్టులో కాల్పుల ఘటన నమోదైంది. గాయపడిన ఎం రాధ పొత్తికడుపులో రెండు బుల్లెట్ గాయాలు తగలడంతో ఆమె పరిస్థితి నిలకడగా ఉంది. ఆమెను మాక్స్ సాకేత్ ఆసుపత్రికి తరలించారు'' అని డిప్యూటీ కమిషనర్ ఆఫ్ పోలీస్ తెలిపారు. దాడి చేసిన వ్యక్తిని గుర్తించినట్లు పోలీసు వర్గాలు తెలిపాయి. ''బాధితురాలు, నిందితుడి మధ్య కొంత డబ్బు వివాదం ఉన్నట్లు అనుమానిస్తున్నారు'' అని వర్గాలు తెలిపాయి.

"ఒక పోలీసు బృందం నేర స్థలానికి చేరుకుంది. నేర క్రమాన్ని నిర్ధారించడానికి, నిందితుడిని కనుగొనడానికి ఇది ప్రాంతంలోని సిసిటివి కెమెరాలను స్కాన్ చేస్తోంది" అని పోలీసు అధికారి తెలిపారు. మెటల్ డిటెక్టర్లు, భద్రతా అధికారుల తనిఖీలు ఉన్నప్పటికీ వ్యక్తి ఆయుధంతో కోర్టు ఆవరణలోకి ప్రవేశించిన తర్వాత భద్రతా తనిఖీలపై మళ్లీ ఒక ప్రశ్న తలెత్తింది.