లోపల పుష్ప-2 సినిమా.. అనుమానాస్పదంగా మరణించిన యువకుడు

అనంతపురం జిల్లాలో పుష్ప-2 చిత్రం ప్రదర్శిస్తున్న థియేటర్లో ఓ ప్రేక్షకుడు అనుమానాస్పద స్థితిలో మృతి చెందాడు. మృతిచెందిన యువకుడిని ముద్దానప్ప గా గుర్తించారు. రాయదుర్గంలో పుష్ప-2 సినిమా చూసేందుకు ముద్దానప్ప థియేటర్ కు వెళ్లాడు. షో పూర్తయ్యాక కూడా ముద్దానప్ప చలనం లేకుండా సీట్లోనే ఉండిపోవడంతో, ఇతర ప్రేక్షకులు యాజమాన్యానికి సమాచారం అందించారు. ముద్దానప్ప కుటుంబ సభ్యులు థియేటర్ వద్దకు చేరుకుని కన్నీరుమున్నీరయ్యారు. తొక్కిసలాట వల్లే ముద్దానప్ప మరణించాడని యువకుడి కుటుంబ సభ్యులు ఆగ్రహం వ్యక్తం చేశారు. తమకు న్యాయం చేయాలంటూ ఆందోళనకు దిగారు. కేసు నమోదు చేసుకున్న పోలీసులు దర్యాప్తు ప్రారంభించారు. అల్లు అర్జున్ హీరోగా నటించిన 'పుష్ప 2' సినిమా ప్రీమియర్స్ సందర్భంగా హైదరాబాద్ సంధ్య థియేటర్ ఘటనలో ఓ మహిళ మృతి చెందింది. ఇప్పుడు మరో విషాదం చోటు చేసుకుంది.