దారుణం : కువైట్‌లో తోటి మ‌హిళ‌ను దారుణంగా హ‌త్య‌చేసిన భారత వ్యక్తి

Indian Woman Murdered In Kuwait. కువైట్‌లో గ్యాస్ సీలిండర్ విషయమై జరిగిన వివాదంలో భారత వ్యక్తి తోటి మహిళను కత్తితో పొడిచి దారుణంగా హ‌త్య‌చేశాడు.

By Medi Samrat  Published on  5 March 2021 4:25 AM GMT
Indian Woman Murdered In Kuwait

కువైట్‌లో దారుణం చోటుచేసుకుంది. గ్యాస్ సీలిండర్ విషయమై జరిగిన వివాదంలో భారత వ్యక్తి తోటి మహిళను కత్తితో పొడిచి దారుణంగా హ‌త్య‌చేశాడు. కువైట్‌లోని అల్ రుమైతియా‌లో ఈ ఘటన జ‌రిగింది. స్థానికంగా ఉండే ఓ భారతీయ కుటుంబంతో సదరు యువకుడు కలిసి ఉంటున్నట్లు సమాచారం. ఈ క్రమంలో గ్యాస్ సీలిండర్ విషయమై ఘర్షణ తలెత్తింది. దీంతో కోపోద్రిక్తుడైన యువకుడు.. మహిళను పలుమార్లు కత్తితో పొడిచేశాడు.

యువకుడి దాడిలో తీవ్రంగా గాయపడిన మహిళ.. ర‌క్త‌పు మ‌డుగులో కొట్టుమిట్టాడుతూ అక్కడికక్కడే చనిపోయింది. కాగా, మృతురాలి పేరు, ఈ ఘాతుకానికి పాల్పడిన యువకుడి వివరాలు తెలియరాలేదు. ఈ ఘటనపై కేసు నమోదు చేసిన పోలీసులు దర్యాప్తు చేస్తున్నారు.




Next Story
Share it