భర్తను దారుణంగా కొట్టి.. భార్యపై సామూహిక అత్యాచారం

ఓ వ్యక్తిని దారుణంగా కొట్టి, అతని భార్యపై ఐదుగురు వ్యక్తులు సామూహిక అత్యాచారానికి పాల్పడ్డారు. ఈ దారుణ ఘటన ఒడిశాలోని ధెంకనల్‌ జిల్లాలో జరిగింది. అక్టోబర్ 21 సాయంత్రం జిల్లాలోని బరునా ప్రాంతంలో ఈ సంఘటన జరిగిందని సీనియర్ పోలీసు అధికారి మంగళవారం తెలిపారు. బాధిత జంట జాజ్‌పూర్ జిల్లాకు చెందినదని, ఆ మహిళ తన చదువు కోసం భుబన్‌లో ఉంటోందని అధికారి తెలిపారు.

పోలీసులు తెలిపిన వివరాల ప్రకారం.. శనివారం సాయంత్రం దంపతులు భుబన్‌ నుంచి తమ ఇంటికి మోటార్‌సైకిల్‌పై వెళ్తున్నారు. బరునా ప్రాంతంలోని కాలువ సమీపంలో కొందరు వ్యక్తులు వారిని అడ్డగించి, వ్యక్తిని కొట్టి, అతని మొబైల్ ఫోన్ లాక్కున్నారు. వారు అతడి భార్యను సమీపంలోని అటవీ ప్రాంతానికి తీసుకెళ్లి అత్యాచారం చేశారని పోలీసులు ఆరోపించారు. బాధితురాలు భువన పోలీస్ స్టేషన్‌లో ఫిర్యాదు చేసింది.

"మహిళ ఫిర్యాదు ఆధారంగా, కేసు నమోదు చేయబడింది. దర్యాప్తు పురోగతిలో ఉంది. సంఘటనలో ప్రమేయం ఉన్న నిందితులను మేము గుర్తించాము. మేము వారిలో ఇద్దరిని అదుపులోకి తీసుకున్నాము. మరో ముగ్గురు నిందితులను పట్టుకోవడానికి గాలింపు ప్రారంభించాము." అని ధెంకనల్ ఎస్పీ జ్ఞాన్ రంజన్ మోహపాత్ర తెలిపారు. నేరానికి ఉపయోగించిన వాహనాలను కూడా గుర్తించినట్లు తెలిపారు.

"దర్యాప్తు చాలా ప్రాథమిక దశలో ఉంది. బాధితురాలి వైద్య పరీక్షల నివేదిక మాకు ఇంకా రాలేదు. అయితే, ఇది నిజమైన సంఘటన అని తెలుస్తోంది, మేము దర్యాప్తును వేగవంతం చేస్తున్నాము. మేము నిందితులందరినీ అరెస్ట్‌ చేస్తాం. ఈ దారుణానికి పాల్పడిన వారిని కటకటాల వెనక్కి నెడతాం’’ అని ఎస్పీ తెలిపారు.