హనుమకొండ జిల్లాలో ఘోర రోడ్డు ప్రమాదం.. నలుగురు స్పాట్‌ డెడ్‌

హనుమకొండ జిల్లాలో ఘోర రోడ్డు ప్రమాదం సంభవించింది. ఈ ప్రమాదంలో నలుగురు అక్కడికక్కడే మృతి చెందగా.. మరో ముగ్గురికి తీవ్ర గాయాలయ్యాయి. ఈ ఘటన స్థానికులను సైతం భయభ్రాంతులకు గురి చేసింది. హనుమకొండ జిల్లాలోని ఎల్కతుర్తి మండలం శాంతి నగర్ దగ్గర ఈ ఘోర రోడ్డు ప్రమాదం జరిగింది. కారు, ఇసుక లారీ రెండు మితిమీరిన వేగంతో ఎదురు ఎదురు వచ్చి ఢీకొట్టుకున్నాయి. ఈ ప్రమాదంలో కారులో ప్రయాణిస్తున్న ఏటూరునాగరంకు చెందిన నలుగురు మృతి అక్కడికక్కడే మరణించారు. ముగ్గురికి తీవ్ర గాయాలయ్యాయి. అన్నదమ్ముల కుటుంబాలు ఏటూరునాగారం నుంచి వేములవాడ దైవదర్శనానికి వెళుతుండగా ఈ ప్రమాదం చోటుచేసుకుంది.

మృతులు మంతెన కాంతయ్య (72), మంతెన శంకర్(60), మంతెన భారత్ (29), మంతెన చందన(16), మంతెన రేణుక, భార్గవ్, శ్రీదేవిలకు తీవ్ర గాయాలయ్యాయి. సమాచారం అందుకున్న వెంటనే పోలీసులు ఘటనా స్థలానికి చేరుకొని గాయపడిన వారిని చికిత్స కోసం ఎంజీఎం ఆస్పత్రికి తరలించారు. అయితే వీరి పరిస్థితి విషమంగా ఉందని వైద్యులు వెల్లడించారు. పోలీసులు మృతదేహాలను ఎంజీఎం మార్చురీకి తరలించి, కేసు నమోదు చేసుకుని దర్యాప్తు కొనసాగించారు. మీతి మిరిన వేగంతో వాహనాలను నడపడం వల్ల ఈ రోడ్డు ప్రమాదం జరిగిందని పోలీసులు అంటున్నారు. ఒకే కుటుంబంలో నలుగురు మృతి చెందడంతో బంధువుల రోదన ఆకాశాన్ని మిన్నంటింది. నలుగురు ఒకే రోజు మృతి చెందడంతో ఆ గ్రామంలో విషాదఛాయలు అలుముకున్నాయి.