దొంగతనం చేసిందని యజమాని ఆరోపణ.. తట్టుకోలేక పనిమనిషి ఆత్మహత్య

కర్ణాటకలోని బెంగళూరులో యజమాని తనపై దొంగతనం చేశాడని ఆరోపించడంతో పని మనిషి ఆత్మహత్య చేసుకుంది. శుక్రవారం బెంగళూరులోని ఓ ఇంట్లో పని మనిషిగా చేస్తున్న 40 ఏళ్ల మహిళపై యజమాని దొంగతనం చేసిందని ఆరోపించిన ఒక రోజు తర్వాత మహిళ ఆత్మహత్యకు పాల్పడింది. డెక్కన్ హెరాల్డ్‌లో ప్రచురితమైన కథనం ప్రకారం.. నగరంలోని కేఆర్ పురం ఇంట్లో ఉమ అనే పనిమనిషి ఉరి వేసుకుని కనిపించింది. గురువారం తెల్లవారుజామున.. ఆమె యజమాని తన ఇంటి నుండి నగలు, నగదు, ఇతర విలువైన వస్తువులను దొంగిలించారని పనిమనిషిపై ఆరోపణలు చేశాడు.

అపహరణకు గురైన వాటిలో 12.1 లక్షల విలువైన ఆభరణాలు (బంగారు గాజులు, గొలుసులు, నెక్లెస్, డైమండ్ రింగ్), రూ. 10,000 నగదు ఉన్నట్లు యజమాని, 41 ఏళ్ల ఐటీ ప్రొఫెషనల్ రోహిత్ బైలూర్ కేఆర్ పురం పోలీసులకు ఫిర్యాదు చేశాడు. నవంబర్ 1, 2021 నుండి ఫిబ్రవరి 10, 2022 మధ్యలో అతని ఇంటి నుండి దొంగిలించబడ్డాయి. ఉమ లేదా అంజనమ్మ అనే మరో పనిమనిషి ఇంట్లో విలువైన వస్తువులు చోరీ చేసి ఉంటారని ఫిర్యాదులో పేర్కొన్నారు. పోలీసులు గురువారం ఉమను పిలిపించి గంటల తరబడి విచారించి సాయంత్రం ఆమెను విడిచిపెట్టారు. శుక్రవారం, ఆమె ఆత్మహత్య చేసుకోవడానికి ముందు, ఉమ రోహిత్ బెయిలూర్ తన ప్రతిష్టను దిగజార్చారంటూ వీడియో సందేశాన్ని పోస్ట్ చేసింది. బెయిలూర్‌పై ఆత్మహత్యకు ప్రేరేపించినందుకు కేసు నమోదు చేయబడింది, కానీ అరెస్టు చేయలేదు.