మహిళల నగ్న చిత్రాలతో గలీజు దందా.. నిందితుడి ల్యాప్‌టాప్‌లో ఏకంగా..
Delhi police have arrested an accused for selling nude pictures of women. మహిళల నగ్న చిత్రాలతో గలీజు దందా నిర్వహిస్తున్న ఓ సాఫ్ట్‌వేర్‌ ఇంజినీర్‌ ఆటకట్టించారు ఢిల్లీ పోలీసులు. విదేశీయులతో
By అంజి Published on 2 March 2022 4:51 AM GMT
మహిళల నగ్న చిత్రాలతో గలీజు దందా నిర్వహిస్తున్న ఓ సాఫ్ట్‌వేర్‌ ఇంజినీర్‌ ఆటకట్టించారు ఢిల్లీ పోలీసులు. విదేశీయులతో సహా 200 మందికిపైగా మహిళల అశ్లీల, నగ్న చిత్రాలను విదేశీ పోర్న్ వెబ్‌సైట్‌లకు విక్రయించిన, నోయిడాలో మార్కెట్‌ రీసెర్చ్‌ అనలిస్ట్‌గా పని చేస్తున్న 33 ఏళ్ల వ్యక్తిని పోలీసులు అరెస్ట్‌ చేశారు. నిందితుడు ఓ అంతర్జాతీయ టెక్‌ కంపెనీలో పని చేస్తున్న మోహిత్ శర్మగా గుర్తించబడ్డాడు. నిందితుడిని ఢిల్లీ పోలీసుల ఐఎఫ్‌ఎస్‌ఓ యూనిట్ అరెస్టు చేసింది. నగ్న ఫోటోలు, వీడియోలను పంపమని మహిళలను బ్లాక్ మెయిల్ చేస్తున్నాడని ఆరోపించినట్లు పోలీసు వర్గాలు తెలిపాయి.
సాంకేతిక విశ్లేషణలో అతని ల్యాప్‌టాప్‌లో 4,000 పైగా అశ్లీల చిత్రాలు కనుగొనబడ్డాయని పోలీసు వర్గాలు తెలిపాయి. "విచారణ సమయంలో.. నిందితుడు ఇది తన సైడ్ బిజినెస్ అని వెల్లడించాడు. నిందితుడు మహిళల నగ్న ఫోటోలు, వీడియోలను పోర్న్ వెబ్‌సైట్‌లలో విక్రయించాడు." మోహిత్ శర్మ మహిళగా నటిస్తూ.. ఇన్‌స్టాగ్రామ్‌లో మహిళలను సంప్రదించి వారి నగ్న ఫోటోలను పంపమని వారిని ఆకర్షించి, ఆపై మరిన్ని వీడియోలు, ఫోటోలు పంపమని డిమాండ్ చేస్తూ ఆ ఫోటోలతో వారిని బ్లాక్‌మెయిల్ చేశాడని పోలీసు వర్గాలు తెలిపాయి. అతనిపై 2020 సెప్టెంబర్‌లో ఆన్‌లైన్‌లో స్థానిక పోలీసులకు ఫిర్యాదు చేయగా, జూన్ 2021లో ఢిల్లీ పోలీస్ సైబర్ సెల్‌లో ఫిర్యాదు చేశారు.
"మోహిత్ శర్మగా గుర్తించబడిన నిందితుడిని నోయిడాలోని అతని నివాసం నుండి అరెస్టు చేశారు. సెక్షన్ 66సీ ఐటీ చట్టం, 419 (వ్యక్తిగతంగా మోసం చేసినందుకు శిక్ష) ఇండియన్ పీనల్ కోడ్, పోక్సో చట్టంలోని సెక్షన్లు కూడా నమోదు చేసి నిందితుడిపై అభియోగాలు మోపారు." నోయిడాలోని సైబర్ సెల్ దర్యాప్తు చేసిన ఇలాంటి కేసులో నిందితుడు మోహిత్ శర్మ కూడా ప్రమేయం ఉన్నట్లు గుర్తించినట్లు డీసీపీ మల్హోత్రా తెలిపారు.
