విద్యార్థిపై మహిళ హత్యాయత్నం.. అందుకు నిరాకరించాడని జ్యూస్‌లో విషం కలిపి..

ఉత్తరప్రదేశ్‌లోని నోయిడాలో 21 ఏళ్ల కాలేజీ విద్యార్థి హత్యాయత్నం నుంచి తృటిలో తప్పించుకున్నాడు. పెళ్లికి నిరాకరించాడని అతడని ఓ మహిళ హత్య చేసేందుకు ప్రయత్నించిందని అధికారులు బుధవారం తెలిపారు. ధీరజ్ అనే బికామ్ విద్యార్థిగా గుర్తించబడిన వ్యక్తి ప్రస్తుతం ఆసుపత్రిలో చికిత్స పొందుతున్నాడు. మహిళ.. అతడికి మద్యం తాగించి, పదునైన ఆయుధంతో అతనిని చంపడానికి ఆమె తన ఇద్దరు స్నేహితులను పిలిచిందని పోలీసులు తెలిపారు.

విద్యార్థి తండ్రి హన్స్‌రాజ్ పోలీసులకు ఫిర్యాదు చేయడంతో ఈ సంఘటన వెలుగులోకి వచ్చింది. అందులో తన కొడుకు ఆరు నెలల క్రితం సోషల్ మీడియా ద్వారా ప్రియతో పరిచయం పడ్డాడని, ఆ తర్వాత ఆమె గ్రేటర్ నోయిడాకు వచ్చిందని చెప్పాడు. డిసెంబర్ 24న ప్రియాతో కలిసి కారులో ధీరజ్ ఉన్నప్పుడు హత్యాయత్నం జరిగింది. ఆమె అతనికి ఫ్రూట్‌ జ్యూస్‌లో విషం కలిపి అతనికి తాగేలా చేసింది. అనంతరం అతడిని చంపేందుకు స్నేహితులకు ఫోన్ చేసింది.

ధీరజ్ తండ్రి.. తన కొడుకు కారులో అపస్మారక స్థితిలో ఉన్నాడని కొందరు బాటసారులు గుర్తించి పోలీసులకు సమాచారం అందించారని చెప్పారు. తరువాత, ధీరజ్‌ను గ్రేటర్ నోయిడాలోని యథార్థ్ ఆసుపత్రిలో చేర్చారు, అక్కడ అతను ఇంకా చికిత్స పొందుతున్నాడు. ప్రియా, ఆమె గుర్తుతెలియని సహచరులపై హత్యాయత్నం సహా భారతీయ న్యాయ సంహిత (BNS)లోని పలు సెక్షన్ల కింద కేసు నమోదు చేసినట్లు ఇన్‌స్పెక్టర్ రాఘవేంద్ర కుమార్ సింగ్ తెలిపారు. ధీరజ్ ప్రస్తుతం నిలకడగా ఉన్నాడని, దాడికి పాల్పడిన నిందితులను పట్టుకునేందుకు ప్రయత్నాలు జరుగుతున్నాయన్నారు.