రామోజీ ఫిలిం సిటీలో ఊహించని ప్రమాదం

రామోజీ ఫిల్మ్ సీటీలో జరిగిన ఓ సాప్ట్ వేర్ కంపెనీ ఈవెంట్ లో ఊహించని ప్రమాదం చోటుచేసుకుంది. జనవరి 18వ తేదీ గురువారం రామోజీ ఫిల్మ్ సీటీలో విస్టెక్స్ అనే ఎంఎన్ సీ కంపెనీ సిల్వర్ జూబ్లీ సెలబ్రేషన్స్ నిర్వహించారు. ఈ ఈవెంట్ కు హాజరయ్యేందుకు అమెరికాలోని చికాగోలో ఉంటున్న కంపెనీ వ్యవస్థాపకుడు, సీఈఓ, చీఫ్ అర్కికెట్ సంజయ్ షా (56) హైదరాబాద్ కు వచ్చారు. గురువారం రాత్రి ఆర్ఎఫ్ సిలో ఏర్పాటు చేసిన కార్యక్రమానికి ఆయన హాజరయ్యారు. ఈ ఈవెంట్ లో సుమారు 700 మంది పాల్గొన్నారు.

సెలబ్రేషన్స్ జరుగుతుండగా రాత్రి 11 గంటల సమయంలో ప్రమాదవశాత్తు ఈవెంట్ కోసం వేసిన సెట్టు ఒక్కసారిగా కూలిపోయింది. ఈ ఘటనలో తీవ్రంగా గాయపడ్డారు సంజయ్ షా. ఆయనతో పాటు విశ్వనాధ్ రాజ్(54) అనే మరో వ్యక్తిని వెంటనే చికిత్స కోసం మలక్ పేట్ యశోద ఆసుపత్రికి తరలించారు. అయితే, చికిత్స పొందుతూ శుక్రవారం సంజయ్ మరణించారు. ఈ సంఘటనకు కారకులైన రామోజీ ఈవెంట్స్ ఆథారిటీపై కంపెనీ ఎక్స్ క్యూటివ్ డైరెక్టర్ ఫిర్యాదు చేశారు. దీంతో ఐపీసీ సెక్షన్ 336,287,r/w 34 చట్టం కింద పోలీసులు కేసు నమోదు చేసి దర్యాప్తు చేస్తున్నారు. సమాచారం అందుకున్న వెంటనే అబ్దుల్లాపూర్ మెట్ పోలీసులు ఘటన స్థలానికి చేరుకొని క్షతగాత్రులను సమీపంలోని హాస్పిటల్ కి తరలించారు. మృతదేహాన్ని పోస్టుమార్టం నిమిత్తం ప్రభుత్వ హాస్పిటల్ కి తరలించారు.