ఘోర రోడ్డు ప్ర‌మాదం.. కారు, లారీ ఢీ.. 9 మంది మృతి

మహారాష్ట్రలోని రాయ్‌గఢ్ జిల్లాలో ఘోర రోడ్డు ప్ర‌మాదం జ‌రిగింది. మాంగావ్ సమీపంలో ముంబై-గోవా హైవేపై కారు, లారీ ఢీ కొన్నాయి. ఈ ఘ‌ట‌న‌లో 9 మంది దుర్మ‌ర‌ణం చెందారు.

గురువారం ఉదయం 5 గంటల ప్రాంతంలో రేపోలి గ్రామ సమీపంలో ఈ ప్రమాదం జరిగింది. రోడ్డుపై ఎదురుగా వస్తున్న ఈకో కారును లారీ ఢీకొట్టింది. 9 మంది అక్క‌డిక‌క్క‌డే మ‌ర‌ణించారు. స‌మాచారం అందుకున్న వెంట‌నే పోలీసులు ఘ‌ట‌నాస్థ‌లానికి చేరుకున్నారు. మృత‌దేహాల‌ను పోస్ట్‌మార్టం నిమిత్తం ఆస్ప‌త్రికి త‌ర‌లించారు. ఈ ఘ‌ట‌న‌లో 4 ఏళ్ల బాలుడు గాయ‌ప‌డ్డాడు. అత‌డిని ఆస్ప‌త్రికి త‌ర‌లించి చికిత్స అందిస్తున్నారు. కాగా.. మృతుల వివ‌రాల‌ను గుర్తించాల్సి ఉంది. ఈ ఘ‌ట‌న‌పై కేసు న‌మోదు చేసిన పోలీసులు ద‌ర్యాప్తు చేప‌ట్టారు.