ఘోర ప్రమాదం.. బస్సు, ట్రక్కు ఢీ.. 14 మంది దుర్మరణం

అస్సాంలోని గోలాఘాట్ జిల్లా డెర్గావ్‌లో ఘోర రోడ్డు ప్రమాదం చోటు చేసుకుంది. జాతీయ రహదారి 37లోని బుధవారం తెల్లవారుజామున 5 గంటలకు 45 మందితో వెళ్తున్న బస్సు ట్రక్కును ఢీకొనడంతో 14 మంది మృతి చెందారు. మరో 27 మందికి తీవ్ర గాయాలయ్యాయి. అథ్ఖెలియా నుండి బలిజన్‌కు 45 మంది సభ్యులతో కూడిన పిక్నిక్ పార్టీని తీసుకెళ్తున్న బస్సు ట్రక్కును ఢీకొనడంతో ఈ ప్రమాదం జరిగిందని పోలీసులు తెలిపారు.

తెల్లవారుజామున 3 గంటలకు పిక్నిక్ పార్టీ బస్సు తమ ప్రయాణాన్ని ప్రారంభించిందని, వారు తమ గమ్యస్థానానికి చేరుకోబోతుండగా, మార్గరీటా నుండి వెళ్తున్న బొగ్గుతో కూడిన ట్రక్కు బస్సును ఢీకొట్టిందని వారు చెప్పారు. రెండు వాహనాల డ్రైవర్లు అక్కడికక్కడే మృతి చెందగా, గాయపడిన వారిని దేర్గావ్ సివిల్ ఆసుపత్రికి తరలించారు. తీవ్ర గాయాలపాలైన వారిని జోర్హాట్ మెడికల్ కాలేజీ అండ్ హాస్పిటల్ (జేఎంసిహెచ్)కి తరలించారు.

“నేషనల్‌ హైవేకి ఒకవైపు రోడ్డు మరమ్మతులు జరుగుతున్నాయి, అందుకే రెండు వైపుల నుండి వచ్చే వాహనాలు డివైడర్‌కి మరో వైపు ప్రయాణిస్తున్నాయి. అతి వేగంతో వస్తున్న ట్రక్కు బస్సును ఢీకొట్టిందని ప్రత్యక్ష సాక్షులు తెలిపారు” అని గోలాఘాట్ డిప్యూటీ కమిషనర్ పి ఉదయ్ ప్రవీణ్ తెలిపారు.

బస్సులోని ప్రయాణికులు, వారిలో ఎక్కువ మంది బరలుఖువా గ్రామానికి చెందినవారు, టిన్సుకియాలోని తిలింగ ఆలయానికి వెళ్తుండగా ప్రమాదం జరిగింది. ర్యాష్, నిర్లక్ష్యం డ్రైవింగ్ కారణంగా మరణం కేసు నమోదు చేయబడింది, తాము దర్యాప్తు ప్రారంభించాం అని గోలాఘాట్ పోలీసు సూపరింటెండెంట్ రాజేన్ సింగ్ మీడియా ప్రతినిధులతో అన్నారు.