ఘోర బస్సు ప్రమాదం.. 12 మంది మృతి, 23 మందికి గాయాలు

మహారాష్ట్రలో ఘోర రోడ్డు ప్రమాదం జరిగింది. ముంబై-నాగ్‌పూర్ సమృద్ధి ఎక్స్‌ప్రెస్‌వేపై వైజాపూర్ సమీపంలో ఆదివారం తెల్లవారుజామున వేగంగా వచ్చిన ట్రక్కు బస్సును ఢీకొనడంతో 12 మంది మృతి చెందగా, మరో 23 మంది గాయపడినట్లు పోలీసులు తెలిపారు. తీర్థయాత్ర ముగించుకుని బుల్దానా నుంచి ఛత్రపతి శంభాజీనగర్ (ఔరంగాబాద్) మీదుగా నాసిక్‌కు ప్రయాణీకుల బస్సు వెళ్తుండగా తెల్లవారుజామున 1.15 గంటల ప్రాంతంలో ఈ ఘటన జరిగిందని ఓ అధికారి తెలిపారు.

“బస్సు బుల్దానా నుండి ఛత్రపతి సంభాజీనగర్‌కు వస్తుండగా, హైవే పక్కన కొంతసేపు ఆగింది. ఒక్కసారిగా ట్రక్కు దానిని వెనుక నుండి ఢీకొట్టింది. ఈ ప్రమాదంలో కనీసం 12 మంది ప్రయాణికులు మరణించారు. 23 మంది గాయపడ్డారు, ”అని అధికారి తెలిపారు. బాధితులు బుల్దానాలోని ప్రఖ్యాత సైలానీ బాబా దర్గా వద్ద పుణ్యస్నానాలు ఆచరించి నాసిక్‌లోని తమ ఇళ్లకు వెళ్తున్నారు. క్షతగాత్రులను ఛత్రపతి శంభాజీనగర్‌లోని ఆసుపత్రులకు, మరికొందరిని నాసిక్‌కు, కొన్ని క్లిష్టమైన కేసులను పూణేకు తరలించినట్లు అధికారి తెలిపారు.

బాధితుల్లో ఇద్దరు మైనర్ పిల్లలు, గాయపడిన వారిలో ఎనిమిది మంది మహిళలు ఉన్నారు, ఇది ముంబై-నాగ్‌పూర్ సమృద్ధి ఎక్స్‌ప్రెస్‌వేలోని జాంబర్‌గావ్ టోల్ బూత్‌కు కొద్ది దూరంలో ఈ ఘోర ప్రమాదం జరిగింది.