విషాదం.. రైలు-ప్లాట్‌ఫామ్‌ మధ్య ఇరుక్కున్న విద్యార్థిని.. 24 గంటలు మృత్యువుతో పోరాడి..
Young woman rescued at duvvada railway station dies of multiple organ failure. విశాఖపట్నం: దువ్వాడ రైల్వే స్టేషన్‌లో రైలు కంపార్ట్‌మెంట్, ప్లాట్‌ఫారమ్ మధ్య ఇరుక్కున్న 20 ఏళ్ల విద్యార్థిని
By అంజి Published on 8 Dec 2022 5:36 PM IST
విశాఖపట్నం: దువ్వాడ రైల్వే స్టేషన్‌లో రైలు కంపార్ట్‌మెంట్, ప్లాట్‌ఫారమ్ మధ్య ఇరుక్కున్న 20 ఏళ్ల విద్యార్థిని రైల్వే ప్రొటెక్షన్ ఫోర్స్ రక్షించిన వీడియో వైరల్ అయిన ఒక రోజు తర్వాత, విద్యార్థి షీలానగర్‌లోని కిమ్స్ ఐకాన్‌లో చికిత్స పొందుతూ మృతి చెందింది. ఆమెకు బహుళ అవయవ వైఫల్యం, అంతర్గత రక్తస్రావం జరిగినట్లు వైద్యులు చెబుతున్నారు. అన్నవరానికి చెందిన ఎం. శశికళ దువ్వాడలోని ఓ ప్రైవేట్ కళాశాలలో ఎంసీఏ చదువుతోంది. ఆమె ప్రతిరోజూ తన కళాశాలకు రైలులో ప్రయాణించేది.
డిసెంబర్ 7న, శశికళ ఎప్పటిలాగే కళాశాలకు వెళ్లేందుకు గుంటూరు-రాయగడ ఎక్స్‌ప్రెస్‌లో బయలుదేరింది. దువ్వాడ రైల్వేస్టేషన్‌లో రైలు ఆగడంతో రైలు దిగుతుండగా జారిపడి ప్లాట్‌ఫారమ్‌కు రైలుకు మధ్య ఇరుక్కుపోయింది. గంటపాటు శ్రమించిన తర్వాత ఆర్పీఎఫ్‌ బృందం ప్లాట్‌ఫారమ్‌ను పగులగొట్టి ఆమెను రక్షించింది. ఆ సమయంలో, ఆమె తీవ్రంగా గాయపడింది. ముఖ్యంగా ఆమె వెన్నెముక విరిగిపోయింది. ఆమెను కిమ్స్ ఐకాన్ ఆసుపత్రికి తరలించారు. ఐసీయూలో అబ్జర్వేషన్‌లో ఉంచిన శశికళ గురువారం బహుళ అవయవ వైఫల్యంతో మరణించింది. ఈ విషయం తెలుసుకున్న ఆమె కాలేజీ మేట్స్, కాలేజీ యాజమాన్యం ఆస్పత్రికి చేరుకున్నారు.
