శ్రీశైలం వెళ్తున్నారా.? ఈ అల‌ర్ట్ మీకే..!

శ్రీశైలం ఆలయానికి వేలాది మంది భక్తులు తరలిరావడంతో శ్రీశైలం జాతీయ రహదారిపై భారీ ట్రాఫిక్ జామ్ ఏర్పడింది. ఆనకట్ట గేట్లు ఎత్తిన తర్వాత శ్రీశైలం ప్రాజెక్టును వీక్షించడానికి పర్యాటకులు తరలివచ్చారు. అమ్రాబాద్ మండలంలోని పాతాళగంగ నుండి దోమలపెంట చెక్ పోస్ట్ వరకు 10 కిలోమీటర్ల మేర ట్రాఫిక్ స్తంభించిపోయింది. పలు చోట్ల వాహనాలు నిలిచిపోయడంతో వాహనదారులు తీవ్ర అసౌకర్యానికి గురయ్యారు.

అమ్రాబాద్ మండలం దోమలపెంట, ఈగలపెంట, శ్రీశైలం ప్రాజెక్టు వద్ద ట్రాఫిక్ మరింత పెరిగే అవకాశం ఉంది. వందలాది వాహనాల కారణంగా శ్రీశైలం రహదారి రద్దీగా మారింది.