దసరా రద్దీ: విజయవాడ మీదుగా ప్రత్యేక రైళ్లు
In view of the Dussehra rush, SCR will run special trains via Vijayawada in October. దసరా పండుగ రద్దీని దృష్టిలో ఉంచుకుని దక్షిణ మధ్య రైల్వే అక్టోబర్ నెలలో ఆంధ్రప్రదేశ్‌లోని విజయవాడ మీదుగా ప్రత్యేక రైళ్లను
By అంజి Published on 29 Sep 2022 12:10 PM GMT
దసరా పండుగ రద్దీని దృష్టిలో ఉంచుకుని దక్షిణ మధ్య రైల్వే అక్టోబర్ నెలలో ఆంధ్రప్రదేశ్‌లోని విజయవాడ మీదుగా ప్రత్యేక రైళ్లను నడపనుంది.
సికింద్రాబాద్-తిరుపతి రైలు (02764) సికింద్రాబాద్ నుండి అక్టోబర్ 1వ తేదీ రాత్రి 8.05 గంటలకు బయలుదేరి మరుసటి రోజు ఉదయం 9 గంటలకు తిరుపతికి చేరుకుంటుంది. తిరుగు ప్రయాణంలో ఈ రైలు (02763) తిరుపతిలో అదే రోజు సాయంత్రం 5 గంటలకు బయలుదేరి మరుసటి రోజు ఉదయం 5.45 గంటలకు సికింద్రాబాద్ చేరుకుంటుంది. ఈ రైలు జనగాం, కాజీపేట, వరంగల్, మహబూబ్ నగర్, డోర్నకల్లు, ఖమ్మం, విజయవాడ, తెనాలి, చీరాల, ఒంగోలు, గూడూరు, రేణిగుంట స్టేషన్ల మీదుగా వెళుతుంది.
సికింద్రాబాద్-యశ్వంతపూర్ (07233) రైలు అక్టోబర్ 29, 6, 13, 20 తేదీల్లో సికింద్రాబాద్‌లో రాత్రి 9.45 గంటలకు బయలుదేరి మరుసటి రోజు ఉదయం 10.45 గంటలకు యశ్వంతపూర్ చేరుకుంటుంది. తిరుగు ప్రయాణంలో ఈ రైలు (07234) ఈ నెల 30, 7, 14, 21 తేదీల్లో యశ్వంతపూర్‌లో మధ్యాహ్నం 3.50 గంటలకు బయలుదేరి మరుసటి రోజు సాయంత్రం 4.15 గంటలకు సికింద్రాబాద్ చేరుకుంటుంది.
నరసాపురం-సికింద్రాబాద్‌కు ప్రత్యేక రైలు కేటాయింపు
గుంటూరు డివిజన్ మీదుగా నరసాపురం-సికింద్రాబాద్-నరసాపురం వరకు ప్రత్యేక రైళ్లను కేటాయించినట్లు సీనియర్ డీసీఎం ఆంజనేయులు తెలిపారు. నరసపూర్ - సికింద్రాబాద్ (07466) రైలు సెప్టెంబరు 30వ తేదీ సాయంత్రం 6 గంటలకు నరసాపురంలో బయలుదేరి మరుసటి రోజు ఉదయం 4.10 గంటలకు సికింద్రాబాద్ చేరుకుంటుంది. రైలు సికింద్రాబాద్ - నరసాపూర్ (07467) అక్టోబర్ 1వ తేదీ రాత్రి 9.05 గంటలకు సికింద్రాబాద్‌లో బయలుదేరి మరుసటి రోజు ఉదయం 8.35 గంటలకు నరసాపూర్ స్టేషన్‌కు చేరుకుంటుంది. ఈ ప్రత్యేక రైళ్లు పాలకొల్లు, భీమవరం టౌన్, ఆకివీడు, కైకలూరు, గుడివాడ, విజయవాడ, గుంటూరు, సత్తెనపల్లి, పిడుగురాళ్ల, మిర్యాలగూడ, నల్గొండ స్టేషన్లలో ఇరువైపులా ఆగుతాయి.
పైన పేర్కొన్న అన్ని ప్రత్యేక రైళ్లలో 2AC, 3AC, స్లీపర్, జనరల్ సెకండ్ క్లాస్ కోచ్‌లు ఉంటాయి.
