వైసీపీకి ఉప‌శ‌మ‌నం క‌లిగించే వార్త‌..!

పులివెందులలో ఆంద్ర‌ప్ర‌దేశ్ ప్ర‌స్తుత ముఖ్య‌మంత్రి వైఎస్‌ జగన్‌మోహన్‌రెడ్డి 59 వేల ఓట్ల మెజార్టీతో గెలుపొందారు. ఆయన టీడీపీ అభ్యర్థి బీటెక్ ర‌విపై విజ‌యం సాధించారు. 2019 అసెంబ్లీ ఎన్నికల్లో జగన్ సాధించిన 90 వేల ఓట్ల మెజారిటీ.. ఈ సారికి 59 వేలకు తగ్గింది. వైసీపీ ఘోర ప‌రాజ‌యం పొందిన స‌మ‌యంలో ఆ పార్లీకి ఇది ఉప‌శ‌మ‌నం క‌లిగించే వార్త‌.

ఇదిలావుంటే.. ఆంధ్రప్రదేశ్‌లో భారీ విజయం దిశగా దూసుకెళ్తుంది టీడీపీ, జనసేన, బీజేపీ కూటమి. టీడీపీ 133, జనసేన 21 స్థానాలు, బీజేపీ 8 స్థానాల్లో ఆధిక్యంలో ఉన్నారు. అధికార పార్టీ వైసీపీకి ప్రజలు షాక్ ఇచ్చారు. ఆ పార్టీ ప్రస్తుతం కేవలం 13 సీట్లలో లీడింగ్‌లో కొనసాగుతోంది.

ఈ క్రమంలో టీడీపీ, జనసేన, బీజేపీ కూటమి రాష్ట్రంలో ప్రభుత్వాన్ని ఏర్పాటు చేయడం కన్ఫామ్‌ అయిపోయింది. కొన్ని సీట్లు అటూ ఇటూ అయినా కూడా ప్రభుత్వాన్ని ఏర్పాటు చేయడం మాత్రం ఖాయం. ఈ క్రమంలోనే సీఎంగా చంద్రబాబు ప్రమాణస్వీకారం ఎప్పుడు చేస్తారనే చర్చ జరుగుతోంది.