శివుడి వేషంలోని చిన్నారికి పాలు తాగిస్తున్న సీఎం జగన్‌.. పోస్టర్‌పై బీజేపీ విమర్శలు

శివుడి వేషధారణలో ఉన్న చిన్నారికి ఆంధ్రప్రదేశ్ సీఎం వైఎస్ జగన్ మోహన్ రెడ్డి పాలు తాగిస్తున్నట్లు చేసిన ట్విటర్ పోస్ట్ ''అత్యంత అవమానకరం'' అని బీజేపీ ఆంధ్రప్రదేశ్ కో-ఇంఛార్జి సునీల్ దేవధర్ విమర్శించారు. శనివారం వైఎస్ఆర్ కాంగ్రెస్ పార్టీ పెట్టిన పోస్ట్‌ను '#YSRCP_Insults_Mahadeva' అని రాసి ఉన్న దేవధర్ ట్విట్టర్‌లో షేర్ చేశారు.

''హిందు దేవి, దేవతలను, పండుగలను అవమానించడమే వైసీపీ యొక్క విధానమా? ఈ రాష్ట్ర ముఖ్యమంత్రి వైఎస్‌ జగన్‌ ఈ రాష్ట్ర హిందువులను కేవలం ఓట్లు వేసే యంత్రాలుగా మాత్రమే చూస్తున్నావా? ఎవరు మెప్పుకోసం హిందువులను అవమానిస్తున్నవు? ఒక్కసారి హిందువులందరూ రాజకీయంగా జాగృతమైతే #YSRCP_Insults_Mahadeva'' అని మహాశివరాత్రి సందర్భంగా ప్రదర్శించిన వైఎస్‌ఆర్ కాంగ్రెస్ దృష్టాంతాన్ని పంచుకుంటూ ట్విట్టర్ వినియోగదారు ఆదివారం పోస్ట్ చేశారు. ఆ పోస్ట్‌ను దేవధర్ రీ-ట్వీట్ చేశారు.

''మద్యం మాఫియా నడుపుతున్న పార్టీకి, బెయిల్‌పై ఉన్న ముఖ్యమంత్రికి పండగలకు తిండి పెట్టాలని హిందువులకు బోధించే నైతిక హక్కు లేదు'' అని బిజెపి జాతీయ కార్యదర్శి ట్విట్టర్‌లో పోస్ట్ చేశారు. దేవధర్ కూడా ఆంధ్రప్రదేశ్ ముఖ్యమంత్రి శివునికి 'అభిషేకం' చేస్తున్న వీడియోను పంచుకున్నారు. ''ఈ వీడియో ఏమిటి వైఎస్ జగన్ మోహన్ రెడ్డి? అధికారం కోసం హిందువులను ప్రలోభపెట్టడానికి రాజకీయ డ్రామానా'' అంటూ ప్రశ్నించారు. జంతు పూజ కూడా దేవుడి ఆరాధన అని పేర్కొంటూ.. బక్రీద్, క్రిస్మస్ పండుగల సందర్భంగా జగన్ మోహన్ రెడ్డిపై ఇలాంటి ట్వీట్లు, ప్రబోధాలు ఎందుకు చేయరని ప్రశ్నించారు.