మహా పాదయాత్రకు హైకోర్టు గ్రీన్‌ సిగ్నల్‌

AP High Court gives permission for Mahapadayatra of Amaravati farmers. సెప్టెంబర్ 12 నుంచి అమరావతి పరిరక్షణ సమితి (ఏపీఎస్) మహా పాదయాత్ర నిర్వహించేందుకు ఆంధ్రప్రదేశ్ హైకోర్టు శుక్రవారం

By అంజి
Published on : 9 Sept 2022 1:30 PM IST

మహా పాదయాత్రకు హైకోర్టు గ్రీన్‌ సిగ్నల్‌

సెప్టెంబర్ 12 నుంచి అమరావతి పరిరక్షణ సమితి (ఏపీఎస్) మహా పాదయాత్ర నిర్వహించేందుకు ఆంధ్రప్రదేశ్ హైకోర్టు శుక్రవారం అనుమతి మంజూరు చేసింది. అమరావతి రాజధాని రైతుల మహాపాదయాత్రకు ఆంధ్రప్రదేశ్ హైకోర్టు గ్రీన్ సిగ్నల్ ఇచ్చింది. ఈ క్రమంలో దాఖలైన పిటిషన్‌ను హైకోర్టు శుక్రవారం తొలి కేసుగా విచారించింది. రాజకీయ నాయకులు వేలాది మందితో పాదయాత్ర చేస్తే, 600 మంది రైతులు ఎందుకు పాదయాత్ర చేయలేకపోతున్నారని కోర్టు పోలీసులను ప్రశ్నించింది.

పరిమిత ఆంక్షలతో పాదయాత్ర కొనసాగించవచ్చని ధర్మాసనం స్పష్టం చేసింది. డీజీపీ కేవీ రాజేంద్రనాథ్‌ రెడ్డి ఉత్తర్వులపై ఏపీఎస్ నేతలు గద్దె తిరుపతిరావు, ఎ. శివారెడ్డి హైకోర్టులో పిటిషన్ దాఖలు చేశారు. రాజేంద్రనాథ్ రెడ్డి గురువారం రాత్రి మహాపాదయాత్రకు అనుమతి నిరాకరించారు. అమరావతిని రాష్ట్ర రాజధానిగా అభివృద్ధి చేయాలన్న హైకోర్టు ఆదేశాలను అమలు చేయాలని డిమాండ్ చేస్తూ, ఏపీకి అమరావతి మాత్రమే రాజధాని కావాలనే డిమాండ్‌తో 1000 రోజులు పూర్తి చేసుకున్న తమ నిరసన సందర్భంగా అమరావతి నుంచి శ్రీకాకుళం జిల్లా అరసవల్లి వరకు పాదయాత్ర నిర్వహించాలనుకుంటున్నామని పిటిషనర్లు హైకోర్టుకు విజ్ఞప్తి చేశారు.

పాదయాత్రకు అనుమతి కోరుతూ దరఖాస్తు సమర్పించాలని ఏపీఎస్‌ను హైకోర్టు ఆదేశించింది. ఫారమ్‌ను పరిశీలించిన తర్వాత అనుమతి ఇవ్వాలని పోలీసు శాఖను ఆదేశించింది. అంతకుముందు, సెప్టెంబర్ 12 నుండి ప్రారంభించాలని ప్రతిపాదించిన 'మహా పాదయాత్ర'కు అమరావతి రైతులకు ఆంధ్రప్రదేశ్ పోలీసులు అనుమతి నిరాకరించారు.

Next Story