త్వరలోనే ఏపీ పోలీసు ఉద్యోగాల భర్తీకి నోటిఫికేషన్.!

ఆంధ్రప్రదేశ్‌ పోలీసు శాఖలో ఉద్యోగం పొందాలనుకునే వారికి శుభవార్త. రెండు రోజుల్లో ఖాళీగా ఉన్న 6,511 పోలీసు పోస్టుల భర్తీకి నోటిఫికేషన్ విడుదల కానుంది. ప్రతి సంవత్సరం 6,500 నుండి 7,000 పోలీసు ఉద్యోగాలను భర్తీ చేయాలని సీఎం వైఎస్‌ జగన్‌ పోలీసు శాఖను ఆదేశించడం ఇక్కడ ప్రస్తావనార్హం. పోలీసు శాఖ రూపొందించిన రిక్రూట్‌మెంట్ ప్లాన్‌కు ఏపీ ప్రభుత్వం ఆమోదం తెలిపినట్లు సమాచారం. తొలి దశలో ఈ ఏడాది 6,511 పోస్టుల భర్తీకి నోటిఫికేషన్‌ను ఖరారు చేసింది.

దరఖాస్తుల స్వీకరణ, పరిశీలన ప్రక్రియ డిసెంబర్‌ నాటికి పూర్తవుతుందని సమాచారం. ఫిబ్రవరి 2023లో రాత పరీక్ష నిర్వహించబడుతుంది. దాని తర్వాత ఫిజికల్ ఫిట్‌నెస్ టెస్ట్ నిర్వహించబడుతుంది. ఆ తర్వాత ఫలితాలు ప్రకటించబడతాయి. ఎంపికైన అభ్యర్థులు జూన్ 2023లో పోలీసు శిక్షణను ప్రారంభిస్తారు. ఫిబ్రవరి 2024 నాటికి పోలీసు డిపార్ట్‌మెంట్‌లో పోస్ట్ చేయబడతారు. అభ్యర్థులు పూర్తి వివరాలకు https://psc.ap.gov.in/ వెబ్‌సైట్‌ చూడొచ్చు. ఎస్‌ఐ పోస్టులకు గుర్తింపు పొందిన యూనివర్సిటీ నుంచి బ్యాచిలర్‌ డిగ్రీ ఉత్తీర్ణత ఉండాలి. కానిస్టేబుల్‌ పోస్టులకు ఇంటర్మీడియెట్‌ ఉత్తీర్ణులవ్వాలి.

పోలీసు పోస్టులకు సంబంధించిన వివరాలు ఇక్కడ ఉన్నాయి

SCI (సివిల్): 387

SCI (APSP) పోస్ట్‌లు: 96

పోలీస్ కానిస్టేబుల్ (సివిల్) పోస్టులు: 3,508

APSP కానిస్టేబుల్ (AR బెటాలియన్) పోస్ట్‌లు: 2,520