Andhrapradesh: దివ్యాంగులకు త్రీవీలర్‌ మోటార్‌ సైకిళ్లు.. ఇలా దరఖాస్తు చేసుకోండి

అమరావతి: దివ్యాంగులకు ఉచితంగా 1750 రెట్రోఫిట్టెడ్‌ త్రీవీలర్‌ మోటార్‌ సైకిళ్లు అందజేయనున్నట్టు మంత్రి డోలా బాల వీరాంజనేయస్వామి తెలిపారు. రెగ్యులర్‌ గ్రాడ్యుయేషన్‌, ఉన్నత చదువులు చదువుతున్న విద్యార్థులు, టెన్త్‌ పాసై స్వయం ఉపాధితో జీవించేవారు, 18 - 45 ఏళ్ల లోపు వయసు, 70 శాతం అంగవైకల్యం, డ్రైవింగ్‌ లైసెన్స్‌ ఉన్నవారు అర్హులు. ఈ నెల 25లోపు ఆన్‌లైన్‌లో దరఖాస్తు చేసుకోవాలని మంత్రి తెలిపారు. www.apdascac.ap.gov.in లో అప్లై చేసుకోవాలని చెప్పారు.

కుటుంబ వార్షిక ఆదాయం రూ.3.00 లక్షలకు మించి ఉన్నవారు ఈ పథకానికి అనర్హులు అని అధికారులు తెలిపారు. గ్రాడ్యుయేషన్ మరియు అంతకంటే ఎక్కువ కోర్సులు క్రమం తప్పకుండా చదువుతున్న విశ్వసనీయ విద్యార్థులు, 10వ తరగతి ఉత్తీర్ణతతో కనీసం ఒక సంవత్సరం పాటు వ్యవసాయం & అనుబంధ కార్యకలాపాలతో సహా స్వయం ఉపాధి లేదా వేతనం/జీతంతో ఉద్యోగం పొంది ఉన్నవారు ఈ పథకానికి అర్హులు.

అవసరమైన పత్రాలు:

* వైకల్య ధృవీకరణ పత్రం

* ఆధార్ కార్డు

* SSC సర్టిఫికేట్

* SC/ST/BC విషయంలో కుల ధృవీకరణ పత్రం

* పాస్‌పోర్ట్ సైజు ఫోటో

* తాజా ఆదాయ ధృవీకరణ పత్రం

* విద్యార్థులైతే బోనఫైడ్ సర్టిఫికేట్

* వ్యవసాయం & అనుబంధ కార్యకలాపాలతో సహా స్వయం/వేతన వర్గం కోసం సంబంధిత MPDO/మునిసిపల్ కమిషనర్ నుండి స్వయం వేతన ఉపాధి ధృవీకరణ పత్రం