నెలరోజులుగా దేశ‌వ్యాప్త లాక్‌డౌన్ కొనసాగుతున్నప్పటికీ మహిళలపై అత్యాచారాలు ఆగ‌డం లేదు. మ‌హిళ‌ల ర‌క్ష‌ణ కోసం నిర్భ‌య వంటి క‌ఠిన చ‌ట్టాలు తెచ్చినా.. వారిపై ఆరాచ‌కాలు జ‌రుగుతూనే ఉన్నాయి. జైపూర్‌కు చెందిన ఓ మ‌హిళ ప‌ని నిమిత్తం వేరే ఊరు వెళ్లింది. లాక్‌డౌన్ కార‌ణంగా నెల‌రోజుల‌కు పైగా అక్క‌డే చిక్కుకుపోయింది. చేసేది ఏమీ లేక‌.. కాలిన‌డ‌క‌న బ‌య‌లు దేరింది. ఓ చోట విశ్రాంతి తీసుకుంటున్న ఆమెపై దుండ‌గులు సామూహిక అత్యాచారానికి పాల్ప‌డ్డారు. ఈ ఘ‌ట‌న రాజ‌స్థాన్ రాష్ట్రంలో జ‌రిగింది.

వివ‌రాల్లోకి వెళితే.. రాజ‌స్థాన్‌లోని జైపూర్‌కి చెందిన మ‌హిళ‌(40) ఓ ప‌ని నిమిత్తం స‌వాయ్ మాధోపూర్‌కి వెళ్లింది. అప్పుడే కేంద్రం దేశ వ్యాప్త లాక్‌డౌన్ ను విధించింది. దీంతో ఆ మ‌హిళ నెల‌రోజులుగా అక్క‌డే చిక్కుకుపోయింది. ఇంటికి వెళ‌దాం అనుకుంటే.. ర‌వాణా స‌దుపాయం లేదు. దీంతో ఆ మ‌హిళ కాలిన‌డ‌క‌న గురువారం సొంతూరుకు బ‌య‌లు దేరింది. రాత్రి కావ‌డంతో.. మాధోపూర్ జిల్లా బాటోడ్ పోలీస్ స్టేష‌న్ ప‌రిధిలోని ఓ ప్ర‌భుత్వ పాఠ‌శాల ఆవ‌ర‌ణ‌లో ప‌డుకుంది. అర్థ‌రాత్రి ముగ్గురు దుండ‌గులు ఆమెపై సామూహిక అత్యాచారానికి పాల్ప‌డ్డారు. శుక్ర‌వారం ఉద‌యం జ‌రిగిన ఘ‌ట‌న‌పై పోలీసుల‌కు ఆ మ‌హిళ ఫిర్యాదు చేసింది. కేసు న‌మోదు చేసిన పోలీసులు రిషికేశ్‌మీన‌, ల‌ఖ‌న్ రేగ‌ర్‌, క‌మ‌ల్ ఖ‌ర్వాల్‌ల‌ను అదుపులోకి తీసుకున్నారు.

వంశికుమార్ తోట

నాపేరు వంశికుమార్. నేను న్యూస్ మీటర్ తెలుగులో జర్నలిస్ట్ గా పనిచేస్తున్నాను. గతంలో నేను ఆంధ్రప్రభ, ఆంధ్ర‌జ్యోతిలో పనిచేశాను. జర్నలిజం పట్ల నాకు ఉన్న ఇష్టం, ఆసక్తితో నేను ఈ వృత్తిని ఎంచుకున్నాను.