Video: ఉమ్మితో కస్టమర్‌ ముఖానికి మసాజ్ చేసిన వ్యక్తి

ఉత్తరప్రదేశ్‌లోని లక్నోలో దారుణ ఘటన వెలుగు చూసింది. ఓ సెలూన్‌లో తన నోటిలోని ఉమ్మితో కస్టమర్ ముఖానికి మసాజ్ చేస్తూ కెమెరాలో చిక్కుకున్న బార్బర్‌ను అరెస్టు చేశారు. ఉన్నావ్ నివాసి, క్యాంటీన్‌లో పనిచేస్తున్న వ్యక్తి పండిట్ ఆశిష్ కుమార్ జూన్ 11న మసాజ్ కోసం సెలూన్‌కి వెళ్లాడు. సెలూన్‌లోని సీసీటీవీ ఫుటేజీలో నిందితుడు జైద్ చేతిపై ఉమ్మివేసి, కస్టమర్‌ ముఖానికి ఉమ్మి రుద్దడం జరిగింది. షేవ్ చేసిన తర్వాత కుమార్‌కు ఈ విషయం తెలిసింది. ఉమ్మి రుద్దిన సమయంలో కుమార్‌కి ఈ విషయం తెలియదు.

అనంతరం జైద్‌పై కుమార్‌కు అనుమానం వచ్చి సెలూన్‌లో అమర్చిన సీసీటీవీని పరిశీలించారు. మంగలి తన చేతిపై ఉమ్మివేయడం, అతని ముఖానికి మసాజ్ చేయడానికి ఉమ్మి వేయడం చూసి, అతను భయపడి పోలీసులకు ఫిర్యాదు చేశాడు. తదనంతరం, కస్టమర్ ఫిర్యాదు ఆధారంగా లక్నో పోలీసులు జైద్‌ను అరెస్టు చేశారు. ఈ ఘటనపై పోలీసులు కేసు నమోదు చేశారు. తదుపరి విచారణ కొనసాగుతోంది.