మీ మధ్యవర్తిత్వంతో కాదు, పాక్ రిక్వెస్ట్ చేస్తేనే ఆపరేషన్ సింధూర్ ఆపేశాం..ట్రంప్‌కు చెప్పిన మోదీ

ప్రధానమంత్రి నరేంద్ర మోదీ మంగళవారం అమెరికా అధ్యక్షుడు డొనాల్డ్ ట్రంప్‌తో ఫోన్‌లో మాట్లాడారు. భారత్‌-పాకిస్థాన్ మధ్య జరిగిన కాల్పుల విరమణ ఒప్పందంలో అమెరికా ప్రమేయం లేదని ప్రధానమంత్రి నరేంద్ర మోదీ తేల్చిచెప్పారు. పాకిస్తాన్ అభ్యర్థన మేరకు ఆపరేషన్ సిందూర్‌ను "పాజ్" చేశామని, అమెరికా మధ్యవర్తిత్వం లేదా వాణిజ్య ఒప్పందం ఆఫర్ వల్ల కాదని తేల్చారు. మంగళవారం ట్రంప్‌తో 35 నిమిషాల పాటు జరిగిన ఫోన్ సంభాషణలో, పాకిస్తాన్‌లోని ఉగ్రవాద స్థావరాలపై భారతదేశం ప్రారంభించిన ఆపరేషన్ సిందూర్ గురించి మోడీ అమెరికా అధ్యక్షుడికి వివరించారు. ఉగ్రవాదానికి మద్దతు ఇచ్చే దేశాలు దాని పరిణామాలను ఎదుర్కోవాలని స్పష్టం చేశారు. గత నెలలో ఆపరేషన్ సిందూర్ విరామం తర్వాత ట్రంప్ మరియు మోడీ మధ్య జరిగిన మొదటి సంభాషణ ఇది.

'జీ7 శిఖరాగ్ర సదస్సు సందర్భంగా ప్రధాని మోదీ-ట్రంప్‌ మధ్య ద్వైపాక్షిక భేటీ జరగాల్సి ఉంది. అయితే, ట్రంప్ ముందుగానే వెళ్లిపోవడం వల్ల ఆ సమావేశం జరగలేదు. అనంతరం ఇరు దేశాధినేతలు 35 నిమిషాల పాటు ఫోన్‌లో మాట్లాడుకున్నారు. ఆపరేషన్ సిందూర్ గురించి ట్రంప్‌​నకు మోదీ వివరించారు. ఏప్రిల్‌ 22న పహల్గాం ఉగ్రదాడి జరిగనప్పుడు మోదీ ఫోన్​ చేశారు. ఆ తర్వాత మళ్లీ మాట్లాడుకోవడం ఇప్పుడే. పహల్గాం ఉగ్రదాడి తర్వాత ఆపరేషన్‌ సిందూర్‌ సమయంలో భారత్‌-అమెరికా మధ్య వాణిజ్య ఒప్పందం గురించి ఎలాంటి చర్చలు జరగలేదు. అలాగే భారత్‌-పాకిస్థాన్‌ మధ్య అమెరికా మధ్యవర్తిత్వానికి అంశాలపై చర్చలు కూడా జరగలేదు. కాల్పుల విరమణ ఒప్పందానికి సంబంధించి భారత్‌-పాక్‌ మధ్య డీజీపీ స్థాయి చర్చలు మాత్రమే జరిగాయి. పాక్ అభ్యర్థన మేరకే ఆపరేషన్‌ సిందూర్​ను నిలిపివేశాం. ఇప్పటి వరకు భారత్‌ ఇతరుల మధ్యవర్తిత్వాన్ని అనుమతించలేదని, ఇక ముందు కూడా అలా జరగదని ట్రంప్‌​నకు మోదీ స్పష్టం చేశారు. ఈ విషయంలో భారత్​లో పూర్తి రాజకీయ ఏకాభిప్రాయం మాత్రమే ఉంటుంది తెలిపారు' అని మిస్రీ వెల్లడించారు.

ప్రధానమంత్రి మాట విన్న తర్వాత ట్రంప్ ఈ విషయాన్ని అర్థం చేసుకున్నారని ఉగ్రవాదంపై భారతదేశం చేస్తున్న పోరాటానికి మద్దతు తెలిపారని మిస్రి అన్నారు. "భారతదేశం ఇకపై ఉగ్రవాదాన్ని పరోక్ష యుద్ధంగా పరిగణించదని, యుద్ధ చర్యగా పరిగణించదని, ఆపరేషన్ సిందూర్ ఇంకా కొనసాగుతోందని మోడీ ట్రంప్‌తో అన్నారు" అని మిస్రి అన్నారు. జి-7 సమావేశం సందర్భంగా మోడీ, ట్రంప్ సమావేశం కావాల్సి ఉందని, కానీ అమెరికా అధ్యక్షుడు ముందుగానే వెళ్లిపోయినందున అది ఫలించలేదని మిస్రి అన్నారు. ట్రంప్ మోడీతో సంభాషణ జరపాలని పట్టుబట్టారని, ఆ తర్వాతే ఫోన్ కాల్ ఏర్పాటు చేశారని ఆయన అన్నారు.