ఫ్యాటీ లివర్ తో ప్రాణాలకు ప్రమాదం

ఫ్యాటీ లివర్ డిసీజ్ గా పేరొందిన నాన్ ఆల్కహాలిక్ హెపాటిక్ స్టెటోసిస్ ప్రస్తుతం పలు దేశాల్లో ఎక్కువగా వ్యాప్తి చెందుతున్న వ్యాధి. ఇది కాలేయం ఫై ప్రభావాన్ని చూపుతుంది.కాలేయంలో కొవ్వు కణజాలం ఏర్పడటం వల్ల కాలేయ వ్యాధి వస్తుంది. ఈ వ్యాదితో బాధపడుతున్న రోగులలో, కాలేయం యొక్క బరువులో కొవ్వు 5% నుండి 10% కంటే ఎక్కువ ఉంటుంది. అంతేకాదు ఈ వ్యాది రావడం వల్ల కాలేయంలో మంట ఎక్కువగా ఉండి కోలుకోలేని స్థితికి దారితీస్తుంది.నాన్-ఆల్కహాలిక్ హెపాటిక్ స్టీటోసిస్ అనేది ప్రమాదకరమైన వ్యాధి. ఈ వ్యాదితో బాధపడుతున్న వారి కడుపులోని కుడి భాగంలో నొప్పిగా ఉంటుంది. కొంతమంది రోగులకు కడుపు నొప్పితో పాటు, అరచేతులు ఎర్రగా, కళ్ళు పసుపు రంగులో కనిపిస్తాయి.

ఆసక్తికరం విషయం నాన్-ఆల్కహాలిక్ కొవ్వు కాలేయ వ్యాధి అధికంగా తాగేవారిని ప్రభావితం చేయదు. వాస్తవానికి, ఒక్క చుక్క ఆల్కహాల్ కూడా తీసుకోని వారు కొవ్వు కాలేయ వ్యాధితో బాధపడుతున్నారు. కెనడాలో ఏడు మిలియన్ల మంది ప్రజలు నాన్-ఆల్కహాలిక్ హెపాటిక్ స్టీటోసిస్తో బాధపడుతున్నరు. కెనడాలో అత్యంత సాధారణ కాలేయ వ్యాధిగా మారింది. మహిళల కంటే పురుషులకు కొవ్వు కాలేయ వ్యాధి వచ్చే ప్రమాదం ఉంది. 50 సంవత్సరాలు అంతకంటే ఎక్కువ వయస్సు ఉన్నవారిలో ఎక్కువగా ప్రభావితం చూపుతుంది. 15 నుండి 39 సంవత్సరాల వయస్సు గల అమెరికన్లలో నాలుగింట ఒక వంతు మంది నాన్-ఆల్కహాలిక్ హెపాటిక్ స్టీటోసిస్తో బాధపడుతున్నారు. యు.ఎస్ లో దాదాపు 10% మంది పిల్లలు ఈ వ్యాధి బారిన పడ్డారు. నాన్-ఆల్కహాలిక్ ఫ్యాటీ లివర్ వ్యాధి రెండు సంవత్సరాల కంటే తక్కువ వయస్సు ఉన్న పిల్లలలో కూడా కనపడుతుంది.