Telangana: మహిళను చంపిన భర్త, అత్తమామలు.. శవాన్ని అద్దె ఇంట్లో పూడ్చిపెట్టి..

ఓ మహిళను భర్త, అతని కుటుంబ సభ్యులు హత్య చేసి, అద్దెకు తీసుకున్న ఇంటిలోని గొయ్యిలో శవాన్ని పూడ్చిపెట్టిన దారుణ ఘటన మహబూబాబాద్‌ జిల్లాలో చోటుచేసుకుంది.

By అంజి
Published on : 17 Jan 2025 2:04 AM

Woman killed by husband, in-laws, buried at rented home, Mahbubabad, Crime

Telangana: మహిళను చంపిన భర్త, అత్తమామలు.. శవాన్ని అద్దె ఇంట్లో పూడ్చిపెట్టి..

ఓ మహిళను భర్త, అతని కుటుంబ సభ్యులు హత్య చేసి, అద్దెకు తీసుకున్న ఇంటిలోని గొయ్యిలో శవాన్ని పూడ్చిపెట్టిన దారుణ ఘటన మహబూబాబాద్‌ జిల్లాలో చోటుచేసుకుంది. ఆశ్చర్యకరంగా.. నిందితులు ఇంటి నుండి పారిపోయే ముందు అద్దె ఇంటిలో వంట చేసుకోవడంతో పాటు వారి రోజువారీ కార్యకలాపాలను కొనసాగించారు. మహబూబాబాద్‌లోని సిగ్నల్‌ కాలనీలో ఈ దారుణం జరిగింది. పోలీసులు తెలిపిన వివరాల ప్రకారం.. బాధితురాలు నాగమణి (35) తన భర్త కాటి గోపి, ఇద్దరు పిల్లలతో పాటు గోపి తల్లిదండ్రులు లక్ష్మి, రాములు, సోదరి దుర్గ, బావమరిది మహేందర్‌తో కలిసి నివాసం ఉండేవారు. ఈ కుటుంబం కొన్ని నెలలుగా అద్దె ఇంట్లో నివాసం ఉంటూ, దినసరి కూలీలుగా, యాచకులుగా పనిచేస్తున్నారు.

నాగమణి కొన్ని నెలలుగా భర్త, అత్తమామల నుంచి వేధింపులకు గురవుతున్నట్లు సమాచారం. జనవరి 13న గోపి తన కుటుంబసభ్యులతో కలిసి నాగమణిని హత్య చేసి శవాన్ని ఇంటి పెరట్లో పూడ్చిపెట్టాడు. రాత్రంతా ఇంట్లోనే గడిపి తాళం వేసి అక్కడి నుంచి పరారయ్యారు. ఇంటి యజమాని అంజయ్య అద్దె వసూలు కోసం గురువారం ఇంటిని సందర్శించగా నేరం వెలుగులోకి వచ్చింది. ఇంటికి తాళం వేసి ఉండటం, తాజాగా తవ్విన గొయ్యితో సహా ఆందోళన సంకేతాలను గమనించి, ఆ ప్రాంతాన్ని తవ్వడానికి స్థానికుల సహాయం కోరాడు. వారు నాగమణి మృతదేహాన్ని వెలికితీసి పోలీసులకు సమాచారం అందించారు. పోలీసులు డాగ్ స్క్వాడ్‌తో సంఘటనా స్థలానికి చేరుకుని మృతదేహాన్ని పోస్టుమార్టం నిమిత్తం ఆస్పత్రికి తరలించారు. కేసు నమోదు చేసి నిందితుడి ఆచూకీ కోసం దర్యాప్తు చేస్తున్నారు.

Next Story