'కొత్త పార్లమెంట్‌ భవనానికి అంబేద్కర్ పేరు పెట్టాలి'.. అసెంబ్లీలో తీర్మానం

The Telangana Assembly passed a resolution to name the new Parliament building after Ambedkar. నిర్మాణంలో ఉన్న కొత్త పార్లమెంట్ భవనానికి భారత రాజ్యాంగ నిర్మాత డాక్టర్ బీఆర్ అంబేద్కర్ పేరు పెట్టాలని కేంద్ర ప్రభుత్వాన్ని

By అంజి  Published on  13 Sep 2022 7:32 AM GMT
కొత్త పార్లమెంట్‌ భవనానికి అంబేద్కర్ పేరు పెట్టాలి.. అసెంబ్లీలో తీర్మానం

నిర్మాణంలో ఉన్న కొత్త పార్లమెంట్ భవనానికి భారత రాజ్యాంగ నిర్మాత డాక్టర్ బీఆర్ అంబేద్కర్ పేరు పెట్టాలని కేంద్ర ప్రభుత్వాన్ని డిమాండ్ చేస్తూ తెలంగాణ రాష్ట్ర శాసనసభ మంగళవారం తీర్మానం చేసింది. తీర్మానాన్ని ప్రవేశపెట్టే ముందు మున్సిపల్ అడ్మినిస్ట్రేషన్, పట్టణాభివృద్ధి శాఖ మంత్రి కేటీఆర్ మాట్లాడుతూ.. అంబేద్కర్ రచించిన రాజ్యాంగం వల్లే తెలంగాణ రాష్ట్రాన్ని సాధించిందని అన్నారు. అంబేద్కర్‌ చూపిన బాటలోనే రాష్ట్రంలో టీఆర్‌ఎస్‌ ప్రభుత్వం నడుస్తోందని, భాష, ప్రాంతం పేరుతో అంబేద్కర్‌ ఆధిపత్యాన్ని తీవ్రంగా వ్యతిరేకించారని పేర్కొన్నారు.

బ్రిటీష్ పాలనలో సవాళ్లతో కూడిన పరిస్థితుల్లో లండన్ స్కూల్ ఆఫ్ ఎకనామిక్స్, కొలంబియా యూనివర్సిటీలో చదువుకున్న అంబేద్కర్‌పై కేటీఆర్‌ ప్రశంసల వర్షం కురిపించారు. అతను తన సమకాలీనులతో పోలిస్తే అత్యంత మేధావి, సామాజిక సమానత్వం లేకుండా నిజమైన ఆత్మలో స్వేచ్ఛ సాధ్యం కాదని గట్టిగా నమ్మాడు. స్వతంత్ర భారతదేశంలో అంబేద్కర్ కంటే భారత సమాజాన్ని ఎవరూ అర్థం చేసుకోలేరు అని కేటీఆర్‌ అన్నారు.

తెలంగాణ జీఎస్టీ సవరణ బిల్లుకు అసెంబ్లీ ఆమోదం

కేంద్ర ప్రభుత్వం తీసుకున్న నిర్ణయాల వల్ల ప్రజలపై జీఎస్టీ భారం మరింత పెరుగుతోందని మంత్రి తలసాని శ్రీనివాస్‌ యాదవ్‌ అన్నారు. పాలు, పెరుగు సహా ప్రతి చిన్న వస్తువుపై జీఎస్టీ పడుతోందని మంత్రి తలసాని సభకు తెలిపారు. ఆ తర్వాత తెలంగాణ గూడ్స్ అండ్ సర్వీస్ ట్యాక్స్ సవరణ బిల్లును ప్రవేశపెట్టారు. ఇంటి యజమానులకు ఉన్న మినహాయింపును కూడా కేంద్ర ప్రభుత్వం తొలగించిందని ఆయన తెలిపారు. పార్లమెంటులో మెజార్టీ ఉంది కదా అని, దౌర్జన్యంగా బిల్స్ తీసుకొచ్చి వాటిని రాష్ట్రాలపై బలవంతంగా రుద్దే ప్రయత్నం చేస్తోందని మంత్రి తలసాని ఆరోపించారు. తెలంగాణ ప్రభుత్వం ఎప్పుడూ బలవంతంగా ట్యాక్సులు వసూలు చేయలేదన్నారు. అసెంబ్లీలో తెలంగాణ జీఎస్టీ సవరణ బిల్లుపై ఓటింగ్‌ జరిగింది. ఈ ఓటింగ్‌ తర్వాత బిల్లు పాసైనట్లు స్పీకర్ పోచారం ప్రకటించారు.

Next Story
Share it