Telangana: సర్పంచ్‌ ఎన్నికల్లో తొలి విడత నామినేషన్లు.. నేడే లాస్ట్‌ డేట్‌

హైదరాబాద్‌: మొదటి విడత పంచాయతీ ఎన్నికల నామినేషన్ల గడువు నేటితో పూర్తి కానుంది. ఉదయం 10.30 గంటల నుంచి సాయంత్రం 5 గంటల వరకు నామినేషన్లు స్వీకరిస్తున్నట్టు అధికారులు తెలిపారు. గురువారం నుంచి నామినేషన్లు స్వీకరిస్తుండగా నిన్న సర్పంచి పదవులకు 4,901 నామినేషన్లు వచ్చాయి. దీంతో మొత్తం నామపత్రాల సంఖ్య 8,198కి చేరింది. అటు మొన్న, నిన్న కలిపి వార్డు సభ్యులకు 11,502 నామినేషన్లు దాఖలైనట్టు అధికారులు వెల్లడించారు.

తొలి విడతలో 4,236 సర్పంచ్‌, 37,440 వార్డులకు ఎన్నికలు జరగనున్నాయి. నామినేషన్ల ఉపసంహరణకు చివరి తేదీ డిసెంబర్ 3. డిసెంబర్ 11న మొదటి దశ ఎన్నికలు జరుగుతాయి. ఉదయం 7 గంటల నుండి మధ్యాహ్నం 1 గంట వరకు పోలింగ్ జరుగుతుంది, అదే రోజు మధ్యాహ్నం 2 గంటల నుండి ఓట్ల లెక్కింపు జరుగుతుంది.

తెలంగాణ రాష్ట్ర ఎన్నికల సంఘం మంగళవారం జారీ చేసిన నోటిఫికేషన్ ప్రకారం, డిసెంబర్ 11, 14 మరియు 17 తేదీల్లో 12,728 సర్పంచ్ పదవులు మరియు 1,12,242 వార్డులకు ఎన్నికలు జరుగుతాయి. ఈ ఎన్నికల్లో గ్రామీణ ప్రాంతాల్లో మొత్తం 1.66 కోట్ల ఓట్లు తమ ఓటు హక్కును వినియోగించుకోవడానికి అర్హులు. రెండవ దశకు నవంబర్ 30 నుండి నామినేషన్లు స్వీకరిస్తారు, నామినేషన్ల ఉపసంహరణకు చివరి తేదీ డిసెంబర్ 6. చివరి దశ ఎన్నికలకు డిసెంబర్ 3 నుండి నామినేషన్లు దాఖలు చేయవచ్చు, డిసెంబర్ 9 నామినేషన్ల ఉపసంహరణకు చివరి తేదీ.