అలర్ట్.. డీఎస్సీ దరఖాస్తుల్లో ఎడిట్‌ ఆప్షన్‌కు‌ అవకాశం

తెలంగాణలో విద్యాశాఖ అధికారులు బుధవారం టెట్‌ 2024 ఫలితాలను విడుదల చేసిన విషయం తెలిసిందే. ఈ క్రమంలోనే డీఎస్సీ దరఖాస్తు దారులకు అలర్ట్‌ చేసింది. టెట్‌ స్కోర్‌తో పాటు ఇతర వివరాలను ఎడిట్ చేసుకునేందుకు విద్యాశాఖ అవకాశం కల్పిస్తోంది. టెట్‌-2024లో అర్హత సాధించిన వారికి ఒకసారి డీఎస్సీ పరీక్షకు ఉచితంగా దరఖాస్తు చేసుకునే అవకాశం కల్పించిన విషయం తెలిసిందే.

టెట్‌ పేపర్‌ -1లో 57,725, పేపర్‌ -2లో 51,443 మంది అభ్యర్థులు అర్హత సాధించారు. పేపర్‌1కు 85,996 మంది, పేపర్‌2 పరీక్షకు 1,50,491 మంది అభ్యర్థులు హాజరయ్యారు. నిరుడు టెట్‌తో పోల్చితే ఉత్తీర్ణత శాతం పెరగడం విశేషం. ఇక అర్హత సాధించని అభ్యర్థులకు ప్రభుత్వం ఉపశమనం లభించింది. టెట్‌-2024లో అర్హత సాదించని దరఖాస్తుదారులకు డిసెంబర్‌ టెట్‌కు ఉచితంగా దరఖాస్తు చేసుకునే వెసులుబాటు కల్పించింది. టెట్‌-24లో అర్హత సాధించిన వారికి ఒకసారి డీఎస్సీ పరీక్షకు ఉచితంగా దరఖాస్తు చేసుకొనే అవకాశం కల్పించింది. టెట్‌ మెమోలను https://schooledu.telangana.gov. in వెబ్‌సైట్‌లో పొందుపరిచినట్టు అధికారులు తెలిపారు.