సీఎం కేసీఆర్‌ ఆదేశానుసారం నడుచుకుంటా: హెల్త్‌ డైరెక్టర్‌ శ్రీనివాసరావు

కొత్తగూడెం నియోజకవర్గం నుంచి అసెంబ్లీ ఎన్నికల్లో పోటీ చేయమని ముఖ్యమంత్రి కె. చంద్రశేఖర్‌రావు కోరితే తన ఆదేశాలను

By అంజి
Published on : 15 Jun 2023 11:45 AM IST

Health Director Srinivasa Rao, CM KCR, Telangana, assembly polls

సీఎం కేసీఆర్‌ ఆదేశానుసారం నడుచుకుంటా: హెల్త్‌ డైరెక్టర్‌ శ్రీనివాసరావు

కొత్తగూడెం నియోజకవర్గం నుంచి అసెంబ్లీ ఎన్నికల్లో పోటీ చేయమని ముఖ్యమంత్రి కె. చంద్రశేఖర్‌రావు కోరితే తన ఆదేశాలను పాటించేందుకు సిద్ధంగా ఉన్నానని తెలంగాణ ప్రజారోగ్య, కుటుంబ సంక్షేమ శాఖ డైరెక్టర్ జి.శ్రీనివాసరావు అన్నారు. అయితే తాను స్వచ్ఛంద పదవీ విరమణకు దరఖాస్తు చేసుకోలేదని అధికారి తెలిపారు. స్వచ్ఛంద పదవీ విరమణ పథకం (వీఆర్‌ఎస్‌) కింద తాను ఎలాంటి దరఖాస్తు చేసుకోలేదని గురువారం ఒక ప్రకటనలో స్పష్టం చేశారు. శ్రీనివాసరావు వీఆర్‌ఎస్‌ కోసం దరఖాస్తు చేసుకున్నట్లు ఓ వర్గం మీడియాలో వస్తున్న వార్తల్లో వాస్తవం లేదని అన్నారు. తాను ఏ నిర్ణయం తీసుకున్నా మీడియాకు తెలియజేస్తాను అని ఆయన అన్నారు.

ముఖ్యమంత్రి కేసీఆర్‌ ఆదేశాల మేరకు ప్రస్తుతం వైద్యారోగ్య వ్యవస్థను పటిష్టం చేసేందుకు కృషిచేస్తున్నట్లు తెలిపారు. ప్రజారోగ్య సంచాలకులు కూడా కొత్తగూడెం ప్రజలకు సేవ చేసేందుకు తనవంతు కృషి చేస్తున్నట్లు పేర్కొన్నారు. కొత్తగూడెం నియోజకవర్గం నుంచి ఎమ్మెల్యేగా పోటీ చేయమని ముఖ్యమంత్రి చెబితే ఆయన ఆదేశానుసారం నడుచుకుంటానని చెప్పారు. గతేడాది నవంబర్‌లో శ్రీనివాసరావు ముఖ్యమంత్రి కేసీఆర్‌ పాదాలను తాకి దుమారం రేపారు. తర్వాత 100 సార్లు చేస్తానని తన చర్యను సమర్థించుకున్నాడు.

తెలంగాణను ప్రగతి పథంలో నడిపిస్తున్న కేసీఆర్ తన తండ్రిలాంటి వారని, ఆయన పాదాలను తాకే అవకాశం రావడం ఆయన అదృష్టమని అధికారి పేర్కొన్నారు. నవంబర్ 15 న, ఆరోగ్య శాఖలోని అత్యున్నత అధికారి ముఖ్యమంత్రి అధికారిక నివాసంలో జరిగిన కార్యక్రమంలో ఒకటి కాదు రెండుసార్లు ముఖ్యమంత్రి పాదాలను తాకడం కనిపించింది. దీనికి సంబంధించిన వీడియో క్లిప్ వైరల్‌గా మారింది. ఆ తర్వాత అధికారుల తీరుపై వివిధ వర్గాల నుంచి విమర్శలు వెల్లువెత్తుతున్నాయి.

Next Story