తెలంగాణలో మెడిసిన్ చదవాలనుకునే విద్యార్థులకు గుడ్‌న్యూస్‌

Good news for students who want to study medicine in Telangana. తెలంగాణలో మెడిసిన్ చదవాలనుకునే విద్యార్థులకు ఇది శుభవార్త. ఈ విద్యా సంవత్సరం నుంచి తెలంగాణకు చెందిన

By అంజి  Published on  29 Sep 2022 8:34 AM GMT
తెలంగాణలో మెడిసిన్ చదవాలనుకునే విద్యార్థులకు గుడ్‌న్యూస్‌

తెలంగాణలో మెడిసిన్ చదవాలనుకునే విద్యార్థులకు ఇది శుభవార్త. ఈ విద్యా సంవత్సరం నుంచి తెలంగాణకు చెందిన ఎంబీబీఎస్ అభ్యర్థులకు 24 ప్రైవేట్ మెడికల్ కాలేజీల్లో 1068 అదనపు ఎంబీబీఎస్ సీట్లలో ప్రవేశం కల్పించనున్నారు. బి-కేటగిరీ సీట్లలో ఎంబీబీఎస్‌, బీడీఎస్‌ కోర్సుల్లో ప్రవేశానికి సంబంధించిన నిబంధనలను సవరిస్తూ తెలంగాణ ప్రభుత్వం గురువారం ప్రభుత్వ ఉత్తర్వులను (జిఓ ఎంఎస్ 129, జిఓ ఎంఎస్ 130) విడుదల చేసింది. దీని ప్రకారం.. మైనారిటీ, నాన్-మైనారిటీ ప్రైవేట్ మెడికల్ అండ్‌ డెంటల్ కాలేజీలలో 85 శాతం B-కేటగిరీ ఎంబీబీఎస్‌, డెంటల్ సీట్లు ఇప్పుడు తెలంగాణ విద్యార్థులకు అందుబాటులో ఉంటాయి.

మిగిలిన 15 శాతం ఎంబీబీఎస్‌ సీట్లు భారతదేశం అంతటా ఉన్న విద్యార్థులకు అందుబాటులో ఉంటాయి. 20 నాన్ మైనారిటీ, 4 మైనారిటీ ప్రైవేట్ మెడికల్ కాలేజీలు ప్రతి సంవత్సరం 3750 ఎంబీబీఎస్‌ సీట్లను అందిస్తున్నాయి. తెలంగాణలోని 20 మైనారిటీయేతర ప్రైవేట్ వైద్య కళాశాలల్లో మొత్తం 3200 ఎంబీబీఎస్‌ సీట్లు ఉన్నాయి. వీటిలో B-కేటగిరీ ఎంబీబీఎస్‌ సీట్లు 1120 ఉన్నాయి. ఇప్పటి వరకు.. బి-కేటగిరీలోని మొత్తం 1120 ఎంబీబీఎస్‌ సీట్లు దేశవ్యాప్తంగా ఉన్న అభ్యర్థులకు కేటాయించబడ్డాయి.

అయితే, ఇక నుంచి అడ్మిషన్ల నిబంధనల సవరణతో 1120 ఎంబీబీఎస్ సీట్లలో 85 శాతం, అంటే 952 మెడికల్ సీట్లు తెలంగాణ విద్యార్థులకు అందుబాటులో ఉండగా, మిగిలిన 15 శాతం ఎంబీబీఎస్ సీట్లు అంటే 168 సీట్లు భారతదేశం అంతటా ఉన్న విద్యార్థులకు అందుబాటులోకి రానున్నాయి. మైనారిటీ, నాన్‌ మైనారిటీ ప్రైవేట్‌ మెడికల్‌ కాలేజీలతో కలిపి మొత్తం 1068 ఎంబీబీఎస్‌ సీట్లు ఈ విద్యా సంవత్సరం నుంచి అందుబాటులోకి రానున్నాయని సీనియర్‌ ఆరోగ్య అధికారులు గురువారం తెలిపారు.

Next Story
Share it