గ‌న్నీ సంచుల గోదాములో అగ్నిప్ర‌మాదం
Fire Accident in Gunny bags Godown in Karimnagar.క‌రీంన‌గ‌ర్ ప‌ట్ట‌ణంలో అగ్నిప్ర‌మాదం సంభ‌వించింది.
By తోట వంశీ కుమార్‌ Published on 16 Dec 2022 6:05 AM GMT
క‌రీంన‌గ‌ర్ ప‌ట్ట‌ణంలో అగ్నిప్ర‌మాదం సంభ‌వించింది. బైపాస్ రోడ్డు స‌మీపంలోని ర‌జ్వీ చ‌మాన్ వ‌ద్ద ఉన్న గ‌న్నీ సంచుల గోడౌన్‌లో ప్ర‌మాద వ‌శాత్తు మంట‌లు చెల‌రేగాయి. క్ష‌ణాల్లోనే మంట‌లు గోడౌన్ మొత్తం వ్యాపించ‌డంతో ఉవ్వెత్తున ఎగిసిప‌డ్డాయి. గ‌మ‌నించిన స్థానికులు అగ్నిమాప‌క సిబ్బందికి స‌మాచారం అందించారు. వెంట‌నే ఫైర్ సిబ్బంది అక్క‌డ‌కు చేరుకున్నారు.
మూడు ఫైరింజ‌న్ల‌తో అగ్నిమాప‌క సిబ్బంది చాలా సేపు శ్ర‌మించి మంట‌ల‌ను అదుపులోకి తీసుకువ‌చ్చారు. ఈ ప్ర‌మాదంలో ఎలాంటి ప్రాణ న‌ష్టం సంభ‌వించ‌క‌పోవ‌డంతో అంతా ఊపిరి పీల్చుకున్నారు. అయితే.. భారీగా ఆస్తి న‌ష్టం వాటిల్లింది. 40 వేలకు పైగా గోనె సంచులు ప్ర‌మాదంలో కాలి బూడిద అయ్యాయ‌ని గోడౌన్ య‌జ‌మాని తెలిపారు. సుమారు రూ.15ల‌క్ష‌ల ఆస్తి న‌ష్టం జ‌రిగిన‌ట్లు చెప్పారు. షార్ట్ స‌ర్య్కూట్ కార‌ణంగానే మంట‌లు చెల‌రేగాయ‌ని అంటున్నారు.
