సింగరేణి కార్మికులకు దసరా బోనస్‌ చెక్కుల పంపిణీ

హైదరాబాద్‌: ప్రజాభవన్‌లో సింగరేణి కార్మికులకు దసరా బోనస్‌ చెక్కుల పంపిణీ కార్యక్రమం జరిగింది. ఈ కార్యక్రమానికి డిప్యూటీ సీఎం భట్టి విక్రమార్క, మంత్రులు పొంగులేటి శ్రీనివాస్‌ రెడ్డి, శ్రీధర్‌ బాబు హాజరయ్యారు. ఎమ్మెల్యేలు వివేక్‌ వెంకటస్వామి, కొత్తగూడెం ఎమ్మెల్యే కూనంనేని పాల్గొన్నారు. 2023- 24 ఆర్థిక సంవత్సరానికి సింగరేణికి 2,412 కోట్ల రూపాయల లాభం వచ్చింది. లాభాల్లో 33 శాతం అంటే రూ.796 కోట్లను కార్మికులకు బోనస్‌గా ప్రభుత్వం ప్రకటించింది. ఒక్కో కార్మికుడిగా సగటున రూ.1.9 లక్షల బోనస్‌గా రానుంది.

ఈ కార్యక్రమంలో ఎమ్మెల్యే వివేక్​ వెంకట స్వామి మాట్లాడారు. సింగరేణి కార్మికులకు బోనస్‌ ఇచ్చినందుకు ప్రభుత్వానికి కృతఙ్ఞతలు తెలిపారు. కాంగ్రెస్​ ప్రభుత్వం సింగరేణి కార్మికుల పట్ల మంచి నిర్ణయం తీసుకుందని అన్నారు. అలాగే సింగరేణిలో కాంట్రాక్ట్​ కార్మికుల జీతాలను పెంచే విషయాన్ని పరిశీలించాలని, సింగరేణి ఉద్యోగులకు పెన్షన్​ను పెంచే విధంగా చర్యలు తీసుకోవాలని కోరారు. రిటైర్ట్​ ఉద్యోగులకు మెడికల్​ సౌకర్యం కల్పించాలని ప్రభుత్వాన్ని కోరారు. సింగరేణి కాంట్రాక్ట్​ కార్మికులకు రూ. 5 వేలు బోనస్​ను తెలంగాణ ప్రభుత్వం ప్రకటించింది.