ఎంపీ సుబ్రమణ్యస్వామి, రాకేష్ టికాయత్‌లతో సీఎం కేసీఆర్ భేటీ

CM KCR meets Subramanian Swamy and Rakesh Tikait in Delhi. బిజెపికి వ్యతిరేకంగా ప్రతిపక్ష పార్టీలను ఏకం చేసే ప్రయత్నంలో తెలంగాణ ముఖ్యమంత్రి, టిఆర్ఎస్ అధ్యక్షుడు కె చంద్రశేఖర్

By అంజి  Published on  3 March 2022 10:17 AM GMT
ఎంపీ సుబ్రమణ్యస్వామి, రాకేష్ టికాయత్‌లతో సీఎం కేసీఆర్ భేటీ

బిజెపికి వ్యతిరేకంగా ప్రతిపక్ష పార్టీలను ఏకం చేసే ప్రయత్నంలో తెలంగాణ ముఖ్యమంత్రి, టిఆర్ఎస్ అధ్యక్షుడు కె చంద్రశేఖర్ రావు గురువారం న్యూఢిల్లీలో భావసారూప్యత కలిగిన రాజకీయ నాయకులతో సమావేశమయ్యారు. న్యూఢిల్లీలో పర్యటన చేస్తున్న ముఖ్యమంత్రి కేసీఆర్‌ గురువారం బీజేపీ రాజ్యసభ సభ్యుడు డాక్టర్‌ సుబ్రమణ్యస్వామి, భారతీయ కిసాన్‌ యూనియన్‌ ప్రతినిధి, రైతు నాయకుడు రాకేష్‌ సింగ్‌ టికాయత్‌తో సమావేశమయ్యారు. సుమారు గంట పాటు వీరి సమావేశం జరిగింది. అయితే మీడియాతో మాట్లాడేందుకు ఎంపీ సుబ్రహ్మణ్యస్వామి నిరాకరించారు.

సుబ్రమణియన్ స్వామి బిజెపి ప్రభుత్వ విధానాలపై ఈ పదునైన విమర్శలకు ప్రసిద్ధి చెందారు. టికాయత్‌ ఇటీవల ఢిల్లీలో జరిగిన చారిత్రాత్మక రైతుల ఆందోళనకు నాయకత్వం వహించాడు. చివరకు నూతన వ్యవసాయ చట్టాలను బిజెపి ప్రభుత్వం వెనక్కి తీసుకోవలసి వచ్చింది. సుబ్రమణియన్ స్వామి, రాకేష్‌ టికాయత్‌ ఇద్దరూ చంద్రశేఖర్ రావుతో లంచ్‌లో కలిశారు. టీఆర్ ఎస్ ఎంపీ జే సంతోష్ కుమార్, తెలంగాణ ప్రణాళికా సంఘం ఉపాధ్యక్షుడు బి.వినోద్ కుమార్ కూడా పాల్గొన్నారు.

Next Story
Share it