బీఆర్ఎస్‌కు బిగ్‌ షాక్‌.. చేవెళ్ల ఎంపీ రంజీత్ రెడ్డి రాజీనామా
దేశవ్యాప్తంగా లోక్‌సభ ఎన్నికలకు ముందు మార్చి 17, ఆదివారం నాడు బీఆర్ఎస్ పార్టీకి రాజీనామా చేస్తున్నట్లు చేవెళ్ల సిట్టింగ్ ఎంపీ డాక్టర్ రంజిత్ రెడ్డి ప్రకటించారు.
By అంజి Published on 17 March 2024 7:01 AM GMT
బీఆర్ఎస్‌కు బిగ్‌ షాక్‌.. చేవెళ్ల ఎంపీ రంజీత్ రెడ్డి రాజీనామా
హైదరాబాద్: దేశవ్యాప్తంగా లోక్‌సభ ఎన్నికలకు ముందు మార్చి 17, ఆదివారం నాడు బీఆర్ఎస్ పార్టీకి రాజీనామా చేస్తున్నట్లు చేవెళ్ల సిట్టింగ్ ఎంపీ డాక్టర్ రంజిత్ రెడ్డి ప్రకటించారు. వ‌ర్థ‌న్న‌పేట మాజీ ఎమ్మెల్యే ఆరూరి ర‌మేష్ బీఆర్ఎస్ను వీడిన కొద్దిగంట‌ల్లోనే చేవెళ్ల ఎంపీ రంజిత్ రెడ్డి పార్టీకి రాజీనామా చేశారు. గ‌తంలో చెవేళ్ల నుంచి మ‌ళ్లీ రంజిత్‌రెడ్డి బీఆర్ఎస్ అభ్యర్థిగా పోటీచేస్తార‌నే ప్ర‌చారం జరిగింది. అయితే చేవెళ్ల ఎంపీ అభ్యర్థిగా ముదిరాజ్ సామాజికవర్గానికి చెందిన కాసాని జ్ఞానేశ్వర్‌ను పార్టీ ప్రకటించిన కొద్ది రోజులకే ఇది జరిగింది.
ప్రజలకు సేవ చేసే అవకాశం కల్పించిన బీఆర్ఎస్ అధినేత కేసీఆర్‌, వర్కింగ్‌ ప్రెసిడెంట్‌కు కేటీఆర్‌కు ధన్యవాదాలు తెలిపారు. ఈమేర‌కు కేసీఆర్‌కు రాజీనామా లేఖ‌ను పంపారు. ఇటీవల రాజకీయ పరిస్థితుల కారణంగా, తాను రాజీనామాను సమర్పించడానికి ఈ కఠినమైన నిర్ణయం తీసుకున్నాను అని తెలిపారు.
ఇదిలా ఉంటే ఆయన కాంగ్రెస్ పార్టీలో చేరతారనే వార్తలు వినిపిస్తున్నాయి. లోక్‌సభ ఎన్నికలు సమీపిస్తున్న తరుణంలో, అనేక నియోజకవర్గాల్లోని డజన్ల కొద్దీ ముఖ్యమైన నాయకులు ప్రధానంగా కాంగ్రెస్‌లో స్థానం కోసం బీఆర్ఎస్ను వదులుకుంటున్నారు. లోక్‌సభ ఎన్నికల కోసం గులాబీ పార్టీ అభ్యర్థి ఎంపిక ప్రక్రియపై చాలా మంది అసంతృప్తితో ఉన్నారు. త్వరలో కాంగ్రెస్‌లో చేరే బీఆర్ఎస్ నేతల జాబితాలో రంజిత్ రెడ్డి కూడా చేరే అవకాశం ఉందని సమాచారం.
