ఏపీ క‌రోనా బులిటెన్‌.. స్వ‌ల్పంగా పెరిగిన కేసులు, ఐదుగురు మృత్యువాత‌..

ఆంధ్ర‌ప్ర‌దేశ్‌ రాష్ట్రంలో కరోనా మహమ్మారి విజృంభణ ఆగడం లేదు. రాష్ట్రంలో ఇవాళ కూడా కరోనా కేసులు సంఖ్య ప‌దిహేను వంద‌ల‌కుపైగా నమోదయ్యాయి. కరోనా మరణాలు కూడా ఎక్కువ‌గానే న‌మోద‌వుతున్నాయి. గడిచిన 24 గంటల్లో రాష్ట్ర వ్యాప్తంగా 26,236 పరీక్షలు నిర్వహించగా.. 1,891 కొత్త పాజిటివ్ కేసులు నిర్ధారణ అయిన‌ట్లు మంగ‌ళ‌వారం సాయంత్రం విడుద‌ల చేసిన హెల్త్ బులిటెన్‌లో రాష్ట్ర వైద్యా రోగ్య శాఖ వెల్ల‌డించింది. దీంతో రాష్ట్రంలో మొత్తం పాజిటివ్ కేసుల సంఖ్య 23,06,943కి చేరింది.

క‌రోనా వ‌ల్ల నిన్న ఐదుగురు మృత్యువాత ప‌డ్డారు. కోవిడ్ వల్ల అనంతపురం లో ఇద్దరు, చిత్తూరు, గుంటూరు మరియు నెల్లూరు లలో ఒక్కొక్కరు చొప్పున మరణించారు. రాష్ట్రంలో క‌రోనా మ‌హ‌మ్మారి వ్యాప్తి మొద‌లైన‌ప్ప‌టి నుంచి ఇప్ప‌టి వ‌ర‌కు ప్రాణాలు కోల్పోయిన వారి సంఖ్య 14,677గా ఉంది. 24 గంటల వ్యవధిలో 10,241 మంది బాధితులు కోలుకోవడంతో రాష్ట్ర వ్యాప్తంగా కోలుకున్న వారి సంఖ్య 22,38,226కి చేరింది. ప్రస్తుతం రాష్ట్రంలో 54,040 యాక్టివ్‌ కేసులున్నాయి. రాష్ట్రవ్యాప్తంగా ఇప్పటివరకు 3,27,05,524 నమూనాలను ఆరోగ్య శాఖ పరీక్షించింది.