భారీగా విరాళాలను సేకరిస్తున్న విరుష్క జంట

Virushka hike Covid relief target to Rs 11 cr. కరోనా మహమ్మారిపై పోరుకు భారత క్రికెట్‌ కెప్టెన్‌ విరాట్‌ కోహ్లీ, అతని భార్య అనుష్క శర్మ క్రౌడ్‌ ఫండింగ్‌ ప్లాట్‌ఫామ్‌ 'కెట్టో' ద్వారా భారీగా విరాళాలను సేకరించాలని భావిస్తూ ఉన్నారు.

By Medi Samrat  Published on  13 May 2021 6:01 AM GMT
virushka couple

కరోనా మహమ్మారిపై పోరుకు భారత క్రికెట్‌ కెప్టెన్‌ విరాట్‌ కోహ్లీ, అతని భార్య అనుష్క శర్మ ముందుకు వచ్చిన సంగతి తెలిసిందే..! తమ వంతుగా ఇద్దరి తరఫున రూ. 2 కోట్లు విరాళం ఇవ్వగా.. క్రౌడ్‌ ఫండింగ్‌ ప్లాట్‌ఫామ్‌ 'కెట్టో' ద్వారా భారీగా విరాళాలను సేకరించాలని భావిస్తూ ఉన్నారు.

మొదట రూ. 7 కోట్ల విరాళాన్ని ఇతరుల నుంచి సేకరించాలని అనుకుని సోషల్ మీడియా ద్వారా చేసిన విజ్ఞప్తికి అద్భుత స్పందన వచ్చింది. 7 కోట్ల రూపాయల విరాళాల టార్గెట్ ను చేరుకున్నారు. ఇప్పుడు రూ. 11 కోట్లకు చేరువగా వచ్చింది. ఎంపీఎల్‌ స్పోర్ట్స్‌ ఫౌండేషన్‌ విరాళం రూ. 5 కోట్లు ఉండటం విశేషం. వసూలైన మొత్తాన్ని విరుష్క 'ఏసీటీ గ్రాంట్స్‌' అనే సంస్థకు అందిస్తారు.

బుధవారం నాటికే ఈ జంట అనుకున్న 7 కోట్ల మార్కును దాటేయడం విశేషం. ఇప్పుడు 11 కోట్ల రూపాయలకు చేరుకుంది. ట్విట్టర్ ద్వారా ఇందుకు సంబంధించిన అనౌన్స్మెంట్ ను చేసింది ఈ జంట. ఈ కష్ట సమయాల్లో భారతదేశ హెల్త్ ఇన్ఫ్రాస్ట్రక్చర్ ను మెరుగుపరచాలని.. అందుకే ఈ నిధులు కేటాయిస్తూ ఉన్నామని అనుష్క శర్మ-విరాట్ కోహ్లీ జంట తెలిపింది.

గత వారమే ఈ జంట తాము చేయబోయే పనులకు సంబంధించిన వివరాలను వెల్లడించారు. ఆక్సిజన్ కొరత లేకుండా చర్యలు తీసుకోవాలని.. ప్రతి ఒక్కరూ తోచినంత సహాయం చేయాలని పిలుపును ఇచ్చారు. ఈ కష్ట సమయాల్లో అవసరమైన వారికి అండగా ఉందామని కోరారు.


Next Story
Share it