భారత్‌-ఆస్ట్రేలియా అడిలైడ్ టెస్టు.. తొలి రోజు కంగారుల‌దే..!

బోర్డర్ గవాస్కర్ ట్రోఫీ రెండో టెస్టు ఈరోజు శుక్రవారం ప్రారంభమైంది. అడిలైడ్‌ ఓవల్‌ వేదికగా భారత్‌-ఆస్ట్రేలియా జట్ల మధ్య జరుగుతున్న ఈ టెస్టు తొలిరోజు ఆట ముగిసింది. ఈ రోజు ఆట ముగిసే సమయానికి ఆస్ట్రేలియా తొలి ఇన్నింగ్స్‌లో 94 పరుగులు వెనుకబడి ఉంది. అంతకుముందు టాస్ గెలిచి బ్యాటింగ్ ఎంచుకున్న భారత జట్టు తొలి ఇన్నింగ్స్‌లో 180 పరుగులకు ఆలౌటైంది. భారత జట్టుకు చాలా చెడ్డ ఆరంభం లభించింది. మిచెల్ స్టార్క్ మొదటి బంతికే యశస్వి జైస్వాల్‌ను ఎల్‌బిడబ్ల్యూ చేశాడు. అనంతరం శుభ్‌మన్ గిల్‌తో కలిసి కేఎల్ రాహుల్ రెండో వికెట్‌కు 69 పరుగులు జోడించారు. ఈ భాగస్వామ్యాన్ని 19వ ఓవర్‌లో స్టార్క్ విడ‌గొట్టి భారత్‌ను రెండో దెబ్బ తీశాడు. కేఎల్ రాహుల్ 64 బంతులు ఎదుర్కొని 37 పరుగులు చేశాడు.

అడిలైడ్‌లో 4 సెంచరీలు చేసిన విరాట్ కోహ్లీ 7 పరుగులు మాత్రమే చేశాడు. ఆ తర్వాతి ఓవర్‌లోనే శుభ్‌మన్ గిల్ వికెట్ కూడా కోల్పోయింది భార‌త్‌. 51 బంతుల్లో 31 పరుగులు చేసి గిల్ అవుట‌య్యాడు. లోయర్ మిడిల్ ఆర్డర్ లో బ్యాటింగ్ కు వచ్చిన రోహిత్ శర్మ విఫలమయ్యాడు. 23 బంతుల్లో 3 పరుగులు మాత్రమే చేశాడు. వికెట్ కీపర్ బ్యాట్స్‌మెన్ రిషబ్ పంత్ 21 పరుగులు చేసి పెవిలియ‌న్ చేరాడు.

వాషింగ్టన్ సుందర్ స్థానంలో ప్లేయింగ్ 11లోకి ఎంట్రీ ఇచ్చిన రవిచంద్రన్ అశ్విన్ 22 బంతుల్లో 22 పరుగులు చేశాడు. హర్షిత్ రాణా, జస్ప్రీత్ బుమ్రా ఖాతాలు కూడా తెరవలేదు. ఆల్ రౌండర్ నితీశ్ రెడ్డి 54 బంతుల్లో 42 పరుగులు చేశాడు. ఆస్ట్రేలియా తరఫున మిచెల్ స్టార్క్ అత్యధికంగా 6 వికెట్లు పడగొట్టాడు. అతనికి తోడు పాట్ కమిన్స్, స్కాట్ బోలాండ్ త‌లా 2-2 వికెట్లు తీశారు.

తొలి ఇన్నింగ్స్‌లో ఆస్ట్రేలియాకు సగటు ఆరంభం లభించింది. జట్టు స్కోరు 24 వద్ద తొలి ఎదురుదెబ్బ తగిలింది. జస్ప్రీత్ బుమ్రా బౌలింగ్‌లో ఉస్మాన్ ఖవాజా రోహిత్ శర్మకు క్యాచ్ ఇచ్చి అవుట్ అయ్యాడు. ఖవాజా 35 బంతుల్లో 13 పరుగులు చేశాడు. నాథన్ మెక్‌స్వీనీ 38 పరుగులతో, మార్నస్ లాబుషాగ్నే 20 పరుగులతో క్రీజులో ఉన్నారు. ఆస్ట్రేలియా ప్ర‌స్తుతం ఒక వికెట్ కోల్పోయి 86 ప‌రుగులు చేసింది.